قالخیزسا توبه سینه دن افلاکه آهیوی اود تک شراری یاندیراجاق چوخ گناهیوی ناحق جفاسی کونلوی درده سالان زمان گئت دادگاه حقه چاغیر دادخواهیوی گر ایستیسن اوزون آغ اولا هر ایکی جهان سورت آستان عزته روی سیاهیوی هی آشنانی سسلیسن اما آیرمیسان بیگانه دن نه مسلکیوی سن،نه راهیوی هر بیر عمارته یول آلیب گئتمه ای گدا آچ گوزلرون داخی تانی دربار شاهیوی سوز یوخ کی اشتباه اولی هرکیمسده ولی تکرار سعی قیل ائلمه اشتباهیوی وار یوسفا قاباقدا بو غمدن بویوک غمون گر ممکن اولسا ترک ائلمه قعر چاهیوی جانا منه حرام اولا بو جان اگر وئرم مین سلسبیل و کوثره جام نگاهیوی یارب صفای عشقی پناهونده تاپمیشام وئرسم بهشته وای منه ظل پناهیوی من مادح جلالووم ای رب ذوالجلال هرچند کی دوشونمه میشم قرب جاهیوی دلپاک تا وارون نفس آب طهوریلن یئو بیر به بیر لباس عملدن گناهیوی