﷽‍ شعر اجتماعی_جدید_درد دل با آقا امام زمان(عج) با نوای حسین ادیبی زنجانی بقلم دکتر بهلول حبیبی زنجانی _ در پست پائین صوت بسیار زیبا همراه با حقایق و روایات را حتما گوش دهید و بدیگران هم ارسال نمایید. اللهم صل علی محمد و آل محمد و عجل فرجهم یابن الحسن تز گل آقا اماندی ئورگیم غصه دن بیر پارچا قاندی سنسیز منه،بهار،فصل خزاندی دلده ذکریم یا صاحب الزماندی گجه گوندوز سنی سسلیر ئورگیم بو دنیاده سنسن فقط کمگیم _ ایندی زمانه چوخ پیس زمانه دی عاشقلرن دیوللر دیوانه دی فکر ائدوللر گلمگین افسانه دی دوزدی شیعه آدیوا پروانه دی شیعه نونده نسلین الان قیریللار باشلارینی نیزه لره ویریللار ایندی آقا ءایری،اولوب عمللر عوض اولوب قدیم ضرب المثللر محتواسین الدن ویروب غزللر آرایش ایلور بش وعده گوزللر مبادا اینکه بیری امل دییه مجبوردی اگنینه تنگ لباس گییه _ یابن الحسن،سن ناظرسن صحنه یه روا دگول قلبین بیزدن اینجییه اوغلان قاش آلدیرا،قیز بدلباس گییه دییه حجابین کولوسی نچیییه؟؟؟ بیحجابلار،باش آچیخ یول گیدوللر اول نازنین قلبیوی قان ایدوللر _ جوانلار احساس حقارت ایلور اینترنتده گجه گونوز چت ایلور واتساپدا نامحرملن صحبت ایلور بولاری شیطان گورنده ات ایلور ایمانین غنچه سی سولور گل آقا قلبیلره_ گنه _دولور_ گل آقا یابن الحسن فتنه قورور شقی لر ضعیفلری پامال ایدور قوی لر احسان ویرور پولدارلارا غنی لر هاردادی انوریلن ،منزوی لر؟ شاعرلر ئوزونه بساط آچیللار مداحلاردا پول دالیجا قاچیللار _ تز گل آقا واریم سنه احتییاج جامعه ده اعتیاد تاپوب رواج چوخالیب فحشا کملوب ازدواج قونشی یاتیر گجه نی صبحه تک آج منیم فکریم کربلاده،مناده بیر ایاقیم نمازدا یا عزاده هم گیت نمازا،همده گیت عزایه گیت کربلایه،مکه یه،منایه اون بیر آی ایلده گل آه و نوایه الین قوزا گیجه گوندوز دعایه عیبی یوخ،اما،یوخلونی یاد ایله الیندن دوت،ئورگینی شاد ایله یاد اولسون قدیم که کورسی قوراردیخ کورسی باشیندا باهم اوتوراردیخ ئیده،ییوب ،گردکان،سیندیراردیخ غم رشته سین شمشینلرده،قیراردیخ الان،کت لرده ده، دای اول صفا یوخ الان کی ،یارلاردا والله وفا یوخ _ قدیم صفا باشه سایه سالاردی قونشی،قونشونون گویلونی آلاردی احترامات ئوز یرینده قالاردی بویوک دییوب،کیچیک قولاق آساردی ایندی بی بی لر،دای جیجیم،توخومور کیچیک بویوگون خطینی اوخومور دایی،خالا،عمه،الان یاد قالوب صله ی رحمدن فقط آد قالوب وضعیتیمیز گون به گون حاد قالوب جان بازیچه ی،آه و فریاد قالوب بایرامدا،باجی،یاد باجی ایلور گوز گوزه اولما،آغزی آجی ایلور یابن الحسن ایشلریمیز ریادی سوزلریموز هاموسی ادعادی لقمه لر قاریشوب،پوللار ربادی سنه عاشق اولانلار بی وفادی اگر بیلسن یارینوخ،دینجه لرسن امر حقیلن،تز ئوزون گلرسن _ آقا بولار درد دلدی باغیشلا آدین جلوه ی محفلدی باغیشلا جوانلار غرق مشکلدی باغیشلا باخ،چوخ ئورکلر نسگلدی،باغیشلا قوی قدمون گوز اوستونه آقاجان آیریلیق قدیمی ائدیبدی کمان (بهلول حبیبی زنجانی) با مداحی حسین ادیبی زنجانی لطفا گوش بدهید _ از همه ی بزرگواران التماس دعا داریم. اللهم صل علی محمد و آل محمد و عجل فرجهم