#مدح_امام_حسین (ع)
مقدمه خوانی
لیلة القدر اوغلیدی سر شب اسرادی بو
قنداقندا عرشه معراج ایلین مولادی بو
عشق ئوزی اقرار ایدور من قطریم دریادی بو
سنده عاشق سن اگر گل ساخلاما بوینوندا دین
کلمه عشقه قلم چک اوستونه یاز یا حسین
شافع محشردی وار گویلرده عالی منصبی
قانلی صحراده اولوب تاسیس قانلی مکتبی
هک ایدوب ئوز تاجینون اوسته سلیمان نبی
آسمان عزتین مهتابی سن سن یا حسین
من کیمین نوکرلرین اربابی سن سن یا حسین
دلا دلبر مست مستان حسین
دلا ساقی می پرستان حسین
هامی یرلره گویلره شه حسین
نه شه عزت ماسولله حسین
نه شه شهلرین باشینون تاجیدی
نه انسان ملکلرده محتاجیدی
دیون زاهد ایتمه جنان صحبتین
حسیندن دانوش نیلروخ جنتی
حسین سیز بهشته ایاق قویماروخ
حسیندن قیامتده ده دویماروخ
حسینیله جناته ناز ایلروخ
مین عالملره بیر توکون ویرمروخ