یا مهدی (عج) گریز به سوختن باب امامت
( سبک：من مانده ام تنهای تنها )
گل هارداسان مهدی آقا جان
سن آغلیان گوزلره قربان
گل هارداسان زهرا نشانی
ای عالمون صاحب زمانی
دلده همیشه سسلرم من - یابن الزهرا یابن الزهرا
گوزلر یولوندا گوزلرم من - یابن الزهرا یابن الزهرا
ای شیعه نون پشت و پناهی
ائت شیعیه مولا نگاهی
شیعه قالوب مظلوم و تنها
امداد ایله جان زهرا
ای فاطمه دلبندی تئزگل - یابن الزهرا یابن الزهرا
مولا علی فرزندی تئزگل - یابن الزهرا یابن الزهرا
ای ناطق قرآنه بنذر
آدون اولوبدی دیلده ازبر
ای صاحب شمشیر حیدر
یولدا قالوب گوز یاشلی گوزلر
ای چوللری حیران گزن گل- یابن الزهرا یابن الزهرا
هجرانی قورتارایت علن گل- یابن الزهرا یابن الزهرا
سن سن بیزه یار و هوادار
ای حجت خلاق دادار
گل هارداسان دردلر دواسی
گل باشلانور زهرا عزاسی
زینب دئیور زهرا آنام وای - یابن الزهرا یابن الزهرا
یورقون ننه یات سنه لایلای- یابن الزهرا یابن الزهرا
هجرونده شیعه باغری قاندی
پروانه تک کول اولدی یاندی
سن سن هامی دردلره درمان
ای شمس رحمت ماه تابان
ای پادشاه انس و جان گل- یابن الزهرا یابن الزهرا
ای فاطمه قانین الان گل- یابن الزهرا یابن الزهرا
آه او ساعتدن که مولا
قالدی پشت درده زهرا
اود ووردیلار یانوبدی درگاه
سس اوجالوب افلاکه ناگاه
ایتدی هجوم درگاهه اغیار- یابن الزهرا یابن الزهرا
یازمام که نه ایلدی مسمار- یابن الزهرا یابن الزهرا
زهرا دوشوبدی پشت درده
جانی قالوب مولا خطرده
تاب و توانی گئتدی الدن
فضه گلینجک دوشدی دلدن
سینه سینوب قان آخدی یرده- یابن الزهرا یابن الزهرا
سوز نهانیم گلدی درده- یابن الزهرا یابن الزهرا
**
حاج محمد متقی تبریزی