شهادت حضرت حمزه سیّد الشّهدا (ع) در غزوۀ اُحُد و گریز به قتلگاه  استاد غلامرضا عینی فرد زنجانی" سنه اولسون فدا یکسر بو امت یا رسول الله سنون دینونله انسان تاپدی قیمت یا رسول الله سنون باشندا وار لولاک حکمیندن گوزل بیر تاج ایدوبین قابَ قَوسَین سمتنه رفرفله سن معراج ملاحتده اولوب صد یوسف کنعان سنه محتاج سنه خاطر تاپوب یوسف وجاهت یا رسول الله   غرض بو خلقت کون و مکاندان سیّدا سنسن سنون نورونلان اولدی عرش و فرش و ماسوا روشن گلوب یوز یرمی دورت مین انبیا دنیایه آدمدن اولاردان باشسان ای تاج نبوّت یا رسول الله جمال الله جمالوندور جلال الله جلالوندور کلام الله کلاموندور کمال الله کمالوندور کتاب الله سنون اعجازون اولموش ایده آلوندور سنی قرآن بیزه ایله عنایت یا رسول الله سنون چخماز سوزوندن ذات حق ای بندۀ محبوب رسولا ، عقل کل سنسن ولی بیزلر هامی معیوب بحق اهلبیت ایله بیزی قرآنیوه مجذوب او قرآن که قالوب سندن امانت یا رسول الله او قرآن که اونون اوستونده کافر لر توکوبدور قان حُنین و بدر و خندقده اُحد ده تابع شیطان او قانه خاطر ای مولا اُحد ده توکدی بو سفیان او قاندا واردی چوخ شأن و جلالت یا رسول الله   او سردارین آدین یازسام گوزلدی دوزمرم رمزه رضای خالقی جلب ایتدی جان ویردی آدی حمزه سپر ایتدی وجودین اوخلارا اول یار خوش غمزه نه حمزه مرد میدانِ شجاعت یا رسول الله   ایدوبلر مشرکین بدره عوض گویا اُحُد جنگین سواد یثربه چکدی قوشون اول فرقۀ ننگین توکولدی لاله تک قانلار اولوب دشت اُحُد رنگین سنه چوخ وارد اولدی رنج و محنت یا رسول الله   ایدردی حمزه کُفّاری پراکنده بِسان شیر بَلشدی قانه از بس قان توکوبدور اَلده کی شمشیر شهادت شوقی باشدا اولمادی جنگ و جدلدن سیر نشان ویردی او گون آرتق شهامت یا رسول الله"