‍ شهادت حضرت امام صادق(ع) . . مرحوم حاج عبدالله رضایی (غمکش) . منصور ظالم بی حیا اود ووردی دنیایه ظلم ایلدی شوم دنی یثربده مولایه . مسموم ائدوبدی حضرتی آغلار اونا عترت شرم ائتمدی آللهیدن اول مرد بی غیرت آل عبادن بیر به بیر سلب اولدی امنیّت قاره چکوبدی عرشیان چون عرش اعلایه . موسی ابن جعفر سسلنور یا ربّ آتام یاندی قاره یئل اَسدی شهریده گویلرده طوفاندی ایوای سسی یئردن او دم افلاکه قوزاندی بزم عزا برپا اولوب اول ماه سیمایه . یوخ کیمسه عرض ائتسون خدا نه غملی دوراندی زهرا دئیور ایوای اوغول زینب پریشاندی فرزند پیغمبر گئدور جنّاته مهماندی واردی یئری نفرین اولا عالمده اعدایه . جان اوسته امّا گوزلرین باغلادی چون موسی یاده دوشوبدی آغلادی مظلوم دشت کربلا قبره جلالیله گئدوب اللرده میر مبتلا غسلون وئروبدی سو توکوب اول غم لی اعضایه . «غمکش» یانار احوالینه دل داغلیار دائم نوحه یازار مولاسینه یاس ساخلیار دائم یاده سالار محنت‌لرین هم آغلیار دائم اشکِ غمی گوزده دونرامواجه دریایه ┄┅═✧❁۞══۞❁✧═┅┄ بابازاده