نجه ایچیم بوسویی ایچمدی علی اکبر که خیمه لرده سوسوز جان ویرور علی اصغر یاره بدنی لنگره دوشدی هله قالسون آتدا نجه قولسوز یره دوشدی هله قالسون باشدان ایاقا قامتی قانه بوروننده دشمنلر ایچینده یوزی اوسته سوروننده قان چشمه کوثرکیمی داشلاندی گوزوندن گوزلردن آخان قانیله بیربیر یراوزوندن بیگانه لرون ریشه سینی قازدی ابوالفضل عشقون سندون ئوز آدنا یازدی ابوالفضل گوز یاشینی القانه قاتان کیمدی ابوالفضل لب تشنه فرات اوسته یاتان کیمدی ابوالفضل شهبازیدی افسوس اولا سیندی پری یولدا قالدی حرم آهولرینون گوزلری یولدا گرچه اوچولون ساقی ارزنده سی اولدی عطشان بالالارون ولی شرمنده سی اولدی بیریول دیمدی وای یارالی گوزلریم ایوای هی سسلدی لب تشنه قالان اصغریم ایوای افغانی اوجالدیب فلکه یاره اورکدن گوز یاشلی گلایه اله دی چرخ فلکدن هیچ من دیمورم اوخ نیه دییدی گوزوم اوسته آیا نیه میداندا سوروندوم یوزوم اوسته هیچ من دیمورم دلده ربابین سوزی قالدی یولاردا ننم ام بنینین گوزی قالدی تنها بودی قلبیمده کی نسگلی گلایه بوایسی هواده غم آلان خیمه سراده هیچ من دیمورم باد ملایم یتیشیدی نولاردی سومشکیم اورا سالم یتیشیدی بیر عمده غمیم وار هامی غمنن منه باشدی بیر یول منه عمرونده رقیه آغیز آشدی افسوس اولا جان گلشنی یاندی تالان اولدی سوقولونی ویردیم اونا اما یالان اولدی بودشتیده بیر جرعه سرین سوداشا چخدی شرمندلیگیمنن منیم عمروم باشا چخدی شرمندلیگیم باشدی منه درد یارادان میدانه گلن وقتیده من خیمه سرادن ایکاش یول اوسته منی گورمیدی رقیه ایکاش سومشکین منه ویرمیدی رقیه غم رشته لرین سینده حورمیدی ابوالفضل ایکاش اویانان لبلری گورمیدی ابوالفضل گرمای هوا کاسه صبرین جالامشدی خردا دوداقین سوز عطش پارچالامشدی شیرین دلی آغزندا سوسوزدان گوروموشدی عطشان بالانین دل دوداقین قان بوروموشدی آغزنان اونون سوسن وریحان توکولوردی منن دانشان وقته یره قان توکولوردی ایکاش یانان سینمی مین دفعه بولیدیم بیریولدا اولبلردن اوپوب اونان ئولیدی #عباسیه