قتلگاه امام حسین( ع)
آلنینون قانییلن قانه بویانمیشدی یوزی
ئورگیندن چکه بیلموردی او پیکانی اوزی
نهر علقم طرفینده ایله قالمیشدی گوزی
وار دییردی یری دل مجمر غمدن آلیشا
هانی غیرتلی ابوالفضلیم الیمدن یاپیشا
آپارا کاش بیری قارداشیم عباسه خبر
دیه گل ایتدیله زهرا ایوینی زیر و زبر
ووردولار قارداشوون قلبینه بیر تیر سه پر
گوزلیور لوح دیله نقش محسن چکه سن
ئورگیندن گلیب اوچ شعبه اوخی سن چکه سن
سالدی بو غمده حسین عالمه محنت کوزونی
تیکدی چوخ حسرتیله نهر فراته گوزونی
گوییا ایتدی بو نوعیله مخاطب اوزونی
گوزووی نهر فرات اوسته دولاندیرما حسین
چاغیریب دادووه عباسی اوتاندیرما حسین
خرمن عمرینه ظلمیله عدو سالدی شرر
اولدی کاشانه امیدی اونون زیر و زبر
بیر نفر السیز اگر اولسا الیندن نه گلر
کیم مگر سسلییر امدادینه امدادی یوخی
الی اولسیدی چکردی اوزی آلنیندان اوخی
**
محیّراردبیلی