طشت گذاری 🏴🏴🏴🏴🏴🏴🏴 باخ طشته خیال ایله حسین غملرین آغلا سال یاده او شاهون قوریان لبلرین آغلا ایام عزادور دوتوب اندوه جهانی دولدورموش حسین وای سسی ارضیله سمانی سنده باش آچوق یاد ائله شاه شهدانی صدپاره اولوب قانه باتوب پیکرین آغلا ایکاش دونیدی او زمان قانه فراتی قالمیدی سوسوز احمد مختار بناتی قطع اولدی حسینون او دم امید حیاتی اوخلادی عدو تشنه لبان اصغرین آغلا گیدیردی کفن اکبرینه شاه شهیدان وئردی اوزی رخصت ائلیوب عازم میدان گوندردی سوسوز لبلریلن امّته قربان سال سنده خیاله او جوان اکبرین آغلا عالمده مگر کیم بوبانوب قانه حسین تک صدپاره دوشوب پیکری میدانه حسین تک آماج اولونوب نیزه و پیکانه حسین تک انگشتیله تا بذل ائدوب انگشترین آغلا بیر جسم که صدپاره اولا تیر جفادن آیا نه روادور کسیله باشی قفادن شرم ائتمدی بیر شمر دنی شیر خدادن لب تشنه قویوب حنجرینه خنجرین آغلا پیکر بویانوب قانه قالوب بی سر آراده اما یارالی باشی گئدر شامه جداده بیلمم نه جوابی اولاجاق روز جزاده ویلان قویانی زینب غم پرورین آغلا 🏴🏴🏴🏴🏴🏴