وفات حضرت ام البنین (من کلام : بهروز سلیمانی ثمرین) ای جماعت ای جماعت منیم اوغلومدی ابالفضل تاپمشام شوکت و حرمت منیم اوغلومدی ابالفضل کیمده واردی بئله عزت منیم اوغلومدی ابالفضل صاحب جاه وجلالت منیم اوغلومدی ابالفضل یوزی گویچک اوجا قامت منیم اوغلومدی ابالفضل من علی همسریم صاحب ایمان و یقینم شیعه خالص و دلبسته قران مبینم حیدره حامی اولوب یا ر امیر المومنینم حضرت فاطیمه نون خادیمه سی ام بنینم همده کی زینبه کلفت منیم اوغلومدی ابالفضل یولادی ائلچی منه شیر خدا گرچی عقیلی ئوزونه همسر ائده مرتضا بو زارو ذلیلی من علینون ولی اولمشدم از ل گونده دخیلی منیم اولمشدی بهشتیم علینون حسن جمیلی علیدی روحیمه جنت منیم اوغلومدی ابالفضل عشق یکرنگیمی والاه حق والا بینیبدی علییه همسر اولام قادر یکتا بینیبدی بعد زهرا بودی فخریم منی مولا بینیبدی من کیمین خردا کنیزی خود زهرا بینیبدی وار کنیزلیکده ده شوکت منیم اوغلومدی ابالفضل گلینیدیم علینون درگه با عزتین ئوپدوم ایلدیم تعظیم اونون دست قدر قدرتین ئوپدوم اگیلیب وحی ائوینون عشقیله من تربتین ئوپدوم یعنی زهرا خانمون مقتل پر محنتین ئوپدوم توکولوب قلبیمه محنت منیم اوغلومدی ابالفضل حمد لله منه حق عشقیله احساس وریبدی گلشن حب و تولاده منه یاس وریبدی آلاهون لطفی منه گرمی انفاس وریبدی اوجالبدور باشم عرشه منه عباس وریبدی منه حق ائتدی عنایت منیم اوغلومدی ابالفضل حسن و زینب و کلثوم و حسین دردینه یاندم آنا اولجاق اینانون من آناسیزلاردان اوتاندم اولاری بیر یره یقدم ؛ایاق اوستونده دایاندم اولارون باشینه عباس قوجاقیمده دولاندم سیزه اولسون یعنی فدیت منیم اوغلومدی ابالفضل فلک کج روش آخر باشمی سالدی بلایه بورودی بو قوجالان پیکریمی رخت عزایه کاروانیم غمیلن راهی اولوب کرب و بلایه دوغرانبدی سوسوز اوغلوم آهیم اوج ائتدی سمایه اولدی سو اوسته خجالت منیم اوغلومدی ابالفضل مشگیده اولمادی سو زینبیمون قارداشی سندی کربلا شاهینون انگشترینونده قاشی سندی او قدر وردلا داش قولسوزومون گوز قاشی سندی بیر عمود اندی هوادن کی بالامون باشی سندی توپراقا ائتدی اصابت منیم اوغلومدی ابالفضل لشگر کرکس و ناکس یره عنقانی سالبدی مین نفر نیزه ی تیزین یارالی جسمه چالبدی حیف حلال مشاکل ئوزی مشگلده قالبدی گورجگین فاطیمه حالین الینه معجر آلبدی سسلنیب دیلده مصیبت منیم اوغلومدی ابالفضل