حضرت ابوالفضل علیه السّلام سبک : اصغریم ای شیرین زبانیم یاحسین گل یتیش هرایه سالدیلار شیریوی بلایه قولاریم دوشدی پیکریمدن گل گلوب فاطمه نوایه عمریمون رشته سی حسین پاره لنوب آنیما اوخ دگوب گوزوم یاره لنوب حسینیم گَل ( 2 ) —---------------------- گلشنیم ظلمیله سولوبدی گوزلریم قانیله دولوبدی قیزلارا سو دئدیم گتورم قارداشون شرمسار اولوبدی دشمنیم ایلیور شماتت یانورام اولموشام یاحسین خجالت یانورام حسینیم گَل ( 2 ) گل نجه گور یارام سیزیلدار گل دئیوم تا هارام سیزیلدار آغلارام تک قالور حسینیم گوز ،باشیم تا وارام سیزیلدار اورگیم نار عشقویله یانوری حالیوه قلبیم اود دوتوب اودلانوری حسینیم گَل ( 2 ) —------------------------ ظلم الیله سولور بهاریم سلب اولوب دیلده اختیاریم گویلوم ایستور گوره جمالون ای منیم غملی شهریاریم گورماقا گل جمالیوی قلبیم اسور قاتلیم کسماقا بو باشی تلسور حسینیم گَل ( 2 )