قان سوزون قربان سوزون شرح ائتدی ابراهیم بو گون
سسلدی یارب چیخور قان قلبیدن آهیم بو گون
اول نبی قان توکمدی تا شاه دین قربان اولا
روز عاشورا بویوردی گلدیم اللهیم بو گون
قوی کسیلسین حجنحریم ظلمتده نور اولسام گرک
قانیلن رسوا اولار میداندا بد خواهیم بو گون
گلمیشم دین اوسته بوردا کفریلن جنگ ایلیم
پر پر اولسا الریم اوستونده گر ماهیم بو گون
قوی سوزولسون اکبرین قانی یتیم اولسون قیزیم
جاودان اولسون ولی تاریخیده راهیم بو گون
#عبـــــــــــادے_طارمے