#حضرت_زهرا
روضه ی بی بی حضرت زهرا(س)
بوسوزناک سوزی نقل ایدوب بله مقداد*
گرک بیان اولا بو داستان اخیاره*
ویرنده غسل علی بیردن آغلادی اوجادان*
اوزینی قویدی او مرحب شکار دیواره*
ایوین سکوتینی سندیردی ناله حیدر*
گلوب نوایه پوزولدوم بو غملی رفتاره*
دیدیم تَبِکیُ مِن فَقدِ فاطمه مولا*
اوجادان آغلاما دللر گلوبدی آزاره*
بویوردی مرگ بتوله بو نوعی آغلامورام*
اوجالدی ناله سسیم ایندی آیری اسراره*
قولوندا دوشدی گوزوم تازیانه نون یرینه*
گتورمه مشدی بو مدتده دردین اظهاره*
یارالیدور نچه یردن یارلانور جگریم*
ساتاشمییدی گوزوم کاش بیله آثاره*
دوشنده یاره سینی گورجاق بلیم سندی*
نه نوعی پرده چکوم ماجرای مسماره*
خجالتم منه خاطر ئوزی بیله گویروب*
دگنده سیلی قولاقدان دوشوبدی گوشواره
استاد عینی فرد زنجانی
✨ اَللّهُمَّ عَجِّل لِوَلیِّکَ الفَرَج✨