🌷سرود ولادت حضرت زهرا (سلام الله علیها)🌷 مولودی خوانی با صدای حاج جواد حسن زاده 🌷 ۱۴۰۳/۱۰/۲ 🎶سبک مولودی :باز هوای وطنم وطنم آرزوست آدیوه قربان کسرم دیئرم فاطمه سن سن آنا تاج سرم دیئرم فاطمه جشن تولد بوگئجه دوتارام من سنه کیم قاپیوا گلسه خانم یئتیشر ایمنه درگهوین سائلیم نظر ایله منه اشک محبت توکرم دئیرم فاطمه اون بیر امامین آناسی شه بطحا قیزی گوندی آتان آیدی علی سن اونون اولدوزی گلمسه مجلسده آدین یقین اولماز دوزی اللریوه گوز تیکرم دئیرم فاطمه حیدره هم کفو سنی یارادوب لم یزل اولسا عم اوغلون علی گون سن اونا آی مثل سندن علی اولسا گوزل سن علیدن گوزل آل علینی سئورم دئیرم فاطمه گویلره معراج ائلین مه دین دختری خیبری بیر الی ییخان آقانین همسری زینب وکلثوم و حسن هم حسین مادری منده آنا سویلویرم دئیرم فاطمه وار بوگئجه دلده آنا سنه گیزلین سوزوم بسکه گناه ایلمیشم داخی گلمور یوزوم قووما قاپیندان منی سن سنه قربان ئوزوم قووسان اگر دربدرم دئیرم فاطمه واردی یقینیم دگولم قاپیوین لایقی اولموشام عالمده آنا آدیوین عاشقی آل علی درگهنون من ئوزوم شایقی جانیمی قربان ائدرم دئیرم فاطمه قبریمون اول گئجه سی آنا یت دادیمه بوشدی الیم ،،یوخ عملیم یئتیش امدادیمه گل سن حسین جانی یئتیش آنا فریادیمه قبریده یول گوزلویرم دئیرم فاطمه روز قیامت آنا جان هامی گوزلر یولون اوغلون حسینیله ،حسن ، آلاجاق صاق صولون قوزاما محشرده گویه او سینان صاق قولون اشگیمی گورسم الرم دئیرم ✨اَللّهُمَّ عَجِّل لِوَلیِّکَ الفَرَج✨