بی وفایی دنیا فنا دنیانی ایدل اولیندن بی وفا گوردوم همیشه آشنای بی وفاسیندن جفا گوردوم سوروشدوم ماجراسین دهریده بیرپیردانادن دئدی منده بو دنیانی سنون تک بی وفا گوردوم دولاندیم چوخ تاپام بیر آشنای دل بودنیاده فقط اللهی واللهی صدیق آشنا گوردوم زمانه فرق ائدور گوزله ئوزوندن آشنا آزدور اگر چی اولسادا بیر شئی دگول اوندان خطا گوردوم اورکده چوخ سوزوم واردور دئیوم قوی ماجراسیندن یولیندا آشنای بی وفانین چوخ بلا گوردوم اوکس کی دم ویرور صبح ومسا رحم ومروتدن بئله افرادیدن دایم یالانچی ادعا گوردوم دئدیم بی راهه گئتمه ای آدین انسان قویان امّا طریق حقّیدن بوشخصی همواره جدا گوردوم حقیقت دوز یولا انسانی دعوت ایلیر لاکین حقیقتدن قاچان اشخاصی درده مبتلا گوردوم فلکدن چوخ گلایم وار بوبابتدن هزار افسوس کیمی جان سسلدیم واحسرتا اوندان جفاگوردوم سوال ائتدیم بوبابتدن فهیم واهل معنادن سراسر اهل معنانی بنادن بینوا گوردوم دئدی اهل شرف بئل باغلاماز افسانه دنیایه اودور کی بیله اشخاصی بلایه ابتلا گوردوم کتاب عشق وایمانی ورق ویردیقجا عالمده نهایت صادق انسانی چوگنج پربها گوردم حسینون بارگاهینده قوجالدون سنده تیموری سرشک غم توکوب گوزدن حدیث من بکا گوردوم علی تیموری