ــــــــــــــــــــــــــــــــــــــــــــــــــــــــــــــــــــ
بنامخدا
*#سرود_ولادت_حضرت_علے_اصغر_ع*
*#زبانحال_آقا_امام_حسین_ع*
•┈┈••✾🍃🌸🍃✾••┈┈•
خوشگلوب سن عالمه گوزلرے شهلا بالام
مقدموندان شاد اولوب حضرت زهرا آنام
آچ گوزون بیر باخ منه اے گل نیلوفریم
ای منیم بند دلیم_دلستانیم اصغریم
•┈┈••✾🍃🌸🍃✾••┈┈•
سسلهمیشم حقے من حقده منه هاے وئریب
شکراولا درگاهینه_آیدان گوزل آی وئریب
ای منیم اوغلوم علے خلقتین اعجازے سن
خالق سبحان سنے اصغر منه پاے وئریب
آچ گوزون بیر باخ منه اے گل نیلوفریم
آی منیم بند دلیم_دلستانیم اصغریم
•┈┈••✾🍃🌸🍃✾••┈┈•
گلگین آغوشیمه سن منے دلشاد ائله
بیر نئچه ساعت منے غصه دن آزاد ائله
صف چکوب دیداریوه انس و جن حورا ملک
غصه توزون سیلگیلن غم لرے برباد ائله
آچ گوزون بیر باخ منه اے گل نیلوفریم
ای منیم بند دلیم_دلستانیم اکبریم
•┈┈••✾🍃🌸🍃✾••┈┈•
قارداشون اکبر گلر گول کیمے خندان اولار
ایلر نوازش سنے شاد و خرامان اولار
بوسه باران ایلویر باجون روقیه سنے
سوونر آنان رباب گوزلرے گریان اولار
آچ گوزون بیر باخ منه اے گل نیلوفریم
اے منیم بند دلیم دلستانیم اصغریم
•┈┈••✾🍃🌸🍃✾••┈┈•
گوزلورم عمه لرون گلسون له دیداریوه
وورسونلا بوسه سنون حیدرے رخساریوه
زینب عموون اوخشاسین اصغر سنون بویوا
منده گوز آلتے باخوم دیدهٔ غم باریوه
حضرت عباس عمون جانیوه جاندے بالا
بیزلره او با وفا روح و رواندے بالا
قامت رعناسے وار _واردے اوزون قولارے
عترت طاهایه او تاب و توان دے بالا
آچ گوزون بیر باخ منه آے گل نیلوفریم
آے منیم بند دلیم دلستانیم اصغریم
•┈┈••✾🍃🌸🍃✾••┈┈•
بیرگون اصغر کربلا_قانلی بیر میدان اولار
آلهاشم گوللری _هاموسی بیر بیر سولار
پرپر ائدر اوچ پر اوخ کرب و بلاده سنے
ٱوندا منیم شیونیم ارض و سمایه دولار
آچ گوزون بیر باخ _منه آی گل نیلوفریم
ای منیم بند دلیم_دلستانیم اکبریم
*🖊شاعر:مسلم فرتوت فاخر*
ـــــــــــــــــــــــــــــــــــــــــــــــــــــــــــــــــ