کانال گلچین مداحی ترکی باسبک،،🎼🎤: #روضه ✍متن روضه موسی بن جعفر علیه السلام السلام علیک یا ابالحسن یا موسی بن جعفر ایها الکاظم یابن رسول الله....‌ دست توسل ووراق باب الحوائج آقا موسی بن جعفراتگینه ....اورگلری آپاراق کاظمینه .....به یاد زندانی بغداد او آقایی که زندان گوشینده گئجه گوندوز آللهینن رازونیاز ایلردی جانم یا موسی بن جعفر اله دیردی بارالها تنگ اولوب زندان منه حبسده بیر ایل کچور هر آن منه موسی جعفر ابا ابراهیمم یاخشی ئوز گوسترمدی دوران منه صادقم صادق امامون اوغلیام عبد صالحدور گوزل عنوان منه اولدوم اول گونکه امام کاینات یتدی سندن رتبۀ شایان منه آلله سنی آندورم موسی بن جعفرین قولونداکی غل وزنجیرینه .... گوزی بومجلسده اولانلاری الی بوش یولا سالما آی غریب آقایا دملی دردی اولانلار غریبه آغلیان اولماز....غریب جان ورنده گوزلرین باغلیان اولماز آقانین همیشه گوزلری یولدا اولاردی آخی زندانی اولانین ملاقاتینه گله لر اون بیرایل زندان گوشینده نه بیر حالینی بیلن اولدی نه بیر ملاقاتینه گلن اما قیزین علاقه سی بابایا بیر آیری علاقه اولار.....باباسی اولمیان قیزین داخی هیچ کسه نازی اولماز خانم معصومه آخشام اولاندا اورگی تنگه گلردی .....هرکاروان مدینه دن رد اولاندا ...‌.گوزی او کارواندا اولاردی دیردی شاید بابا م اوکاروان ایچینده اولار آلله سنی آندورم موسی بن جعفرین گوزی یولدا قالان بالالارینا هیچ بالانی آتایا خاطر نیسگیلی ائلمه😭😭😭 اما آی اورگینین گیزلین سوزین موسی بن جعفر آقایا دینلربیر بالاجا قیزدا چوخ آتاسینین انتظارین چکدی گریز ب حضرت رقیه س⬇️⬇️⬇️ من بیر قیزی تانورام آخشام اولاندا گون باتاندا سسلیردی بابا هاردا قالوبسان.....بابا بیر کس سفر اوسته سنین کیمی یوبانما دی گلردی سیخیلردی عمه سی زینبین قوجاقینه عمه....😭شامین قیزلاری منه دیل یاراسی ووردیلا....امان امان دیل یاراسیندان عمه یزیدین قیزی منه گولدی....عمه مگر قارداشسیزا گوله لر....جان یارقیه دییوم دئمیوم نه عالم اولدی زینبه دیردی:منیم عمه ازل گونن بابامدا چوخ گوزوم واردی بیرآز دینجلسه بوردا سوز آچلسا چوخ سوزوم واردی بی بی هانسی بالا قیزدا بواندازه دوزوم واردی بابامدان آیرلان گونن باشما هر بلا گلدی آلله هیچ کسین قارداشی بالاسین یتیم ایلمه سین جان ویردی بابانین باشی دوشدی بیر یانا بالا دوشدی بیریانا خانم اوبالاجا بالانی باسدی باغرینا دئدی قلبین آلان دومان بالام...‌.‌‌ بابادان دویمویان بالام...‌‌.. باباسینون قانلی باشین گورن زمان...‌‌ قورخوسونان ئولن بالام..... عبرتنامه محمد تقی میرزایی . فنادنیایه کیم گلدی اولوبدورباغریقان گیتدی بلیاته دچار اولدی دلینده الامان گیتدی . بویورموش خالق سبحان که کل من علیها فان اودورعلت قالان یوخدورعیان وهم نهان گیتدی . گیدوب سیرایله تاریخی اولوب بونحویلن مکتوب وضیعیلن شریفیلن دوزلدی کاروان گیتدی . بودنیابیرگذرگهدور بشربیرمیهمان مثلی گلوبدوربوگذرگاهه نقدری میهمان گیتدی . سکندرگزدی تاآب حیات ایچسین بقاتاپسین اجل مقراضی قیردی رشته عمرون جوان گیتدی . سلیمان که حکومت ایلیردی انسیلن جنه عصایه تکیه ایتمشدی تاپوبدی نزع جان گیتدی . مطول عمرایدوب نوح نبی که انبیاایچره وفاسیزدهریدن آخراولوبدی قلبی قان گیتدی . اوقارونی که قرآندا اولوبدورسمبل ثروت الیندن دوتمادی ثروت ترابه ناگران گیتدی