4_5990301697887437593.ogg
96.5K
خادمه شعبانپور:
میلادیه حضرت زینب (س)
شاعر:کربلایی محمدرضامحمدی ( ناعم )
سویوندی غملی دللر
فرحلنوبدی ائللر
گلوب نوایه بلبل
چمنده آچدی گللر
زینب گوزآچدی بوگجه جهانه
مبارک اولسون صاحب الزمانه
گویده ملکلر سسلنور تبارک
میلاد بنت المرتضی مبارک
برج وفاده والله
زینب کیمی آی اولماز
عصمتده بعدزهرا
هیچ کس اونا تای اولماز
کوه وقاروعصمت وادبدی
دخت علیدی فاطمه نسبدی
گویده ملکلر سسلنور تبارک
میلاد بنت المرتضی مبارک
آلدی قوجاقه طاها
باخدی دیدی ماشاءالله
سن تک رشیده بیرقیز
گلمزجهانه والله
زهرا آنا گر مرتضی اب اولسا
عجب دگول قیزلاری زینب اولسا
گویده ملکلر سسلنور تبارک
میلاد بنت المرتضی مبارک
هرکس قوجاقه آلدی
باغلیدی غملی گوزلر
آچموردی گوزلرین تا
آلدی حسین مکدر
تا آلدی عطر شاه مشرقینی
آچدی گوزین شاد ایلدی حسینی
گویده ملکلر سسلنور تبارک
میلاد بنت المرتضی مبارک
قارداشی سسلدی سن
باشدامنیم تاجیمسان
هم گوزلریم ضیاسی
هم سویگولی باجیمسان
سندن اینان من قالمارام آرالی
حتی اگر نی ده گزه م یارالی
گویده ملکلر سسلنور تبارک
میلاد بنت المرتضی مبارک
#میلاد_حضرت_زینب_سلام_الله_علیها
#اشعار_ترکی
گلچین زیباترین اشعار و نوحه های ترکی
https://eitaa.com/joinchat/2348744791Cd1e41b0233
─┅─⊱✾♡✾⊰─┅─
کانال اشعار عاشقان حضرت ابالفضل(ع)
مدیریت کانال:شعبانپور
@Haram75
---⊱✾♡✾⊰---