باسلام شعر جدید
توسل به حضرت ابوالفضل علیه السلام
به سبک از صلابت و ملت وارتش سپاه ما
ای فراتین اوسته گئدوب عشقیله _ علم ووران
حمله ور اولوب دشمنی یکسره _ به هم ووران
قان توکنلری سالان اوچولده وحشته
کربلاده سن چاتوبسان اوج عزته
یا ابا لفضل سنه فدا یا ابالفضل 2بار
اوج
تلیدن باخور جنگیوه حسین
قدسیان ائدور گویده شوروشین
اولوبدی سندن پیمبر رضا
سنه دیئر مرحبا مرتضا
یا ابا لفضل سنه فدا یا ابالفضل 2بار
عزم جنگ ائدنده آلان شاهیدن _ اجازه سین
تپراقا سالوبسان آقا ماریدین _. جنازه سین
ای سالان سپاه کفرین ایچره ولوله
مارد ئولدی لشگر ایلیوبدی هلهله
یا ابا لفضل سنه فدا یا ابالفضل . 2بار
اوج
شاه دینه ای یار با وقار
شأنیوه ائدر شیعه افتخار
سنه توسل ائدر شیعه لر
غمینده آغلار سنون دیده لر
یا ابا لفضل سنه فدا یا ابالفضل . 2بار
ای وزیر دشت بلا یاور. _ شه ولا
یادگار مولا علی یکه تاز _. کربلا
کربلاده سن یاراتدون آیری منظره
دهریده آدون دوشوبدی ایندی دیللره
یا ابا لفضل سنه فدا یا ابالفضل . 2بار
اوج
فخر ائدور سنه فوج انبیا
ای سلاله ی پاک مرتضا
جهاندا اولدون آ قا. سر فراز
قانیلا آلدون او گون دستماز
یا ابا لفضل سنه فدا. یا ابالفضل . 2بار
نام با وقارین ابوالفضل علی _. نشانه سی
افتخار ائدر آدیوه ذات حق _ یگانه سی
گورمیوبدی بو زمانه سن کیمی وزیر
گلمدی جهانه دای آقا سنه نظیر
یا ابا لفضل . سنه فدا. یا ابالفضل 2بار
اوج
محرم دل شاه کربلا
جانینی ائدن دینینه فدا
وفالی قارداش اولان رهبره
جانیم فدا اول آلا گوزلره
یا ابا لفضل سنه فدا. یا ابالفضل 2بار
پور حیدر ای زینبون شیر دل _ برادری
شهریار عشقین یل با وفا _ دلاوری
کربلا چولونده ذلته باش ایگمدین
ایچمینجه سو امیر دین سو ایچمدین
یا ابا لفضل سنه فدا یا ابالفضل . 2بار
اوج
سو یولوندا ای قوللارین ویرن
قانلی پرچمی جان کیمی سون
ئوپوپ حسین اول آلا گوزلرین
آلوبدی آغوشه گل پیکرین
یا ابا لفضل سنه. فدا یا ابالفضل 2بار
ای دلاور ای سر سپاه یل _ امیر عشق
کربلا چولونده حسینه اولان _ وزیر عشق
قوللارین دوشوبدی قویمادین یاتا علم
راه معرفتده عشقیله ووران قدم
یا ابا لفضل سنه فدا یا ابالفضل 2بار
شاه دینه ای با وفا وزیر
چوخلاری اولوب عشقیوه اسیر
حسینی سن قویمادون تک قالا
وصيت ایتمیشدی چون مرتضا
یا ابا لفضل سنه فدا یا یا ابا لفضل 2بار
حاج مهدی ملکی زنجانی
#اشعار_ترکی
گلچین زیباترین اشعار و نوحه های ترکی
https://eitaa.com/joinchat/2348744791Cd1e41b0233
─┅─⊱✾♡✾⊰─┅─
کانال اشعار عاشقان حضرت ابالفضل(ع)
مدیریت کانال:شعبانپور
@Haram75
---⊱✾♡✾⊰---