زبانحال حضرت زینب (س)
اوخشاما
آنا نه چاره گئدورسن
سینونده یاره گئدورسن
نه غملیدور گونوز ئولدون
گجه مزاره گئدورسن
عزا کوزون قالارام من
باشا قرا سالارام من
او بوش قالان اتاقیندان
خوش عطروی آلارام من
خزانه دوندی بهارین
یتیم اولوبو بالالارین
باشون آغاردی بلادن
ساغالمادی یارالارین
یازوب فلک نلر اولسون
گلابیمیز هدر اولسون
گجیله گئتمه آماندی
دایان ننه سحر اولسون
مدینه ده اولان اولدی
امید ائوی تالان اولدی
منیم ننم جوانیدی
جوانلیقی یالان اولدی
ئورک دوتوب محن الله
قان آغلیور حسن الله
یارالی جسمینه والله
یاراشمادی کفن الله
ابوالفضل عبّاسی معروفان اهری