بنام خدا
اوخشاما و بایاتی برای مجالس جوان
"" "" ""
یئل اسدی خزان گلدی
گویلره دومان گلدی
اجل چالدی قاپوموزی
جانلاری آلان گلدی
*
جوشه گتوردی قانیمی
تالان ائتدی توانیمی
هئچ رحمی گلمدی منه
الدن آلدی جاوانیمی
"" "" "" ""
گئجه گوندوز آه چکرم
گوزلریمدن یاش توکرم
یازیخ بالام توی گورمدی
توی لباس لارین بوکرم
"" "" ""
قاپو باجانی باغلارام
گئجه گوندوز من آغلارام
اولوب منیم جاوان اوغلوم
هجرینده سینه داغلارام
"" "" "" ""
منیم بالام خوش گولیدی
گول بالام شیرین دیلیدی
حایف اولسون جاوان اولدی
بوگونلر اونون ایلیدی
مسلم فرتوت فاخر