احوالات  حضرت زینب س (جوشی) گل حسین شامیده آواره قالان زینب ئولور تلین اوسته غم الیندن قوجالان زینب ئولور تاب ایدوب درد و غمه زینب  نالان یارالی ویردیلار قمچی ولی ایتمدی  افغان  یارالی ایندیده قمچی لرون ردی ویرور قان یارالی زلفی آغ بختی قرا  قدی کمان زینب ئولور گلشنیمده سارالوب عشق وصفانون آغاجی باشیمون اوسته گل ای زینبون عالمده تاجی گلمسون یعنی سنه اولمامیشام یاخجی باجی سنه خاطرباشینی درده سالان زینب ئولور دوزدی هر غمده حسین سنله   برابر  گلورم سن کیمین  منده   دیاریمدن   آرالی ئولورم واردی بیرغم کی اونی چکممیشم من بیلورم سر پنهانی ایدن ایندی عیان زینب ئولور تیر  طعنه   سینمی گونده   بولن  اوخدی حسین حدیدن دوزدی منیم دردوغمیم چوخدی حسین آت چاپان نعشیمون  اوستونده ولی یوخدی حسین چکمین بوغمی ای شاه جنان زینب ئولور آند اولا  اکبرون عمامه سینه    باش قانینا گون قباقینده چیخان غملی ربابون جانینا الون اوسته   بوغازی    پارچالانان جیرانینا ایندیده سندن حسین جان نگران زینب ئولور باشون اوستونده باجون دوتدی عدو خنجرینی گورسدوم   گل سنه   الاندا   او   خنجر  یرینی ایندیده   توخدامیوب    آغلادار    اهل   برینی باشی قان گوزیاشی قان اللری قان زینب ئولور گوزآچان وقته باجون باخدی گوزل صورتووه طول عمرونده شریک اولدی هامی محنتووه آخرین لحظه ده گل تا باخا   گوز  قامتووه باجووی یادایله ای جسمیمه جان زینب ئولور گوئیا    زینبی   الله  یارادوب   آغلاماقا قالمادی باری   رقیّم   گوزومی    باغلاماقا یاسیمی ساخلاماقا سینه سینی داغلاماقا اوز الیلن  او قیزی قبره قویان زینب ئولور