پندیات ترکی برای مجالس ترحیم ☑️ در فراق مادر شاعر علیرضا علوی زنجانی سبک :: آخشام اولدی ننه 🖤🖤🖤🖤 گلون سولدو آنا یتیم اولدو آنا قلبیم دولدو آنا قلبیم دوتولدو هاردا یاتوبسان نیه بالاوی گوزدن آتوبسان 🖤🖤🖤🖤 آخشاملار اولاندا چراغلار یاناندا یریوه باخاندا آغللارام آنا قلبیم دوتولار یاده دوشر سن گوزلریم دولار 🖤🖤🖤🖤 باخورام منزله اوخشور سولموش گله گله رم هی دیله سسلورم سنی هیچ جواب اولماز ایوی دولانام قلبیم رام اولماز 🖤🖤🖤🖤 آغلار قالدیم ننه قربان اولام سنه گیته رحم ایت منه ترک ایتمه منی سنده گوزوم وار آچ گوزلریوی آنا سنده سوزوم وار 🖤🖤🖤🖤 گلیب یولداشلاریم آغلور قارداشلاریم گلمیور قیشلاریم سنسیز بو منزل منه زنداندی آناسیز هر ایو والله ویراندی 🖤🖤🖤🖤 سوزوم واردی سنه قولاق ویر سن منه گل گیتمه آی ننه گیتسن آی آنا قاپیدا قالام خوش گونلریوی یادیما سالام 🖤🖤🖤🖤 حجره وی بزرم اطاقون گزرم نشانون دوزرم ساخلارام آنا گوزوم اوستونده من وارام آنا سوزوم اوستونده 🖤🖤🖤🖤 سنیدون پناهیم منیم تکیه گاهیم سنوبدور چراغیم مصیبتین اود سالیب جانیما بیرده نه اولار گلن یانیما 🖤🖤🖤🖤 قبرون اوسته گلم قدریوی من بیلم سنسیز آنا اولم گل منه سس ویر تازه نفس ویر بیردفعه ده سن گل منه سس ویر 🖤🖤🖤🖤 دوشرم چوللره سوزوم وار ائللره باخ سولوش گللره سن گیدن گوندن گیدوب قوناقلار آغلار قالوبدور ایوده اوشاقلار 🖤🖤🖤🖤 قلبیمی داغلارام یاسیوی ساخلارام سنه من آغلارام بیزه خاطر سن سولدون سارالدون غم و غصدن آنا سن تز قوجالدون 🖤🖤🖤🖤 شاعر علیرضا علوی زنجانی ۱۴۰۳/۰۱/۱۰