《جمعه آخشامی》
پاک قلبیلر تاپاللا صفا جمعه آخشامی
غم غصه دن اولاللا رها جمعه آخشامی
گویده ملکلر آغلاشار الغوث ذکرینه
عاشق ائدنده آه و نوا جمعه آخشامی
آمین دییر دعالرینه ساکنان عرش
بنده ائدنده حمد و ثنا جمعه آخشامی
سجده قیلاندا حقّه مصلای عشقیده
معراج ائدنده دلده دعا جمعه آخشامی
واردور یئری ئولنلری یاددان چیخاتمیاخ
ائتسین بیزی دعا شهدا جمعه آخشامی
هیئتلر ایچره وار یئری رحمت دعاسینه
مشمول اولا هامی رفقا جمعه آخشامی
هئیتلرین چوخی بوگونی انتخاب ائدر
آل عبایه ساخلار عزا جمعه آخشامی
چوخلار دوتاللا باب الحوائج سراغینی
عباسیدن آلاللا شفا جمعه آخشامی
الله ذوالجلالیدن هر کس سوال ائده
ماءیوس ائتمزائیلرعطا جمعه آخشامی
گوز یاش توکر عذاره ملک پور یانایانا
ایستر برات کرب و بلا جمعه آخشامی