🏴در فراق برادر🏴 🎼درآهنگ بش یاشینداگولم فلک قویمورگولم 🎼سبک: یخیلوب عباسیم... ✍شاعر: کربلایی علی عبدی زنجانی ای منیم قارداشیم ، وفالی یولداشیم آخور گوزدن یاشیم، آغلارام سنه اورگیم قان اولدی عجب زمان اولدی منه اولان اولدی آغلارام سنه 🏴🏴🏴🏴🏴 بئلیم سندی قارداش،گوزوم اولدی قانیاش ئولیدیم منده کاش،وفالی قارداش یاسیوی ساخلارام،سینمی داغلارام هجرینده آغلارام، وفالی قارداش 🏴🏴🏴🏴🏴 اَسَر اَل ایاقیم ، ای منیم دایاقیم داغیلدی تفاقیم آغلارام سنه خاطراتین یاده،سالّام بو دنیاده گلرم فریاده آغلارام سنه 🏴🏴🏴🏴🏴 فلک مندن آلدی، سنی اوزاق سالدی گوزلریم قارالدی، قارداش ئولنده ئولمگین کی بیلدیم،ئوزومی ایتیردیم هی ئولدیم دیریلدیم قبر گئدنده 🏴🏴🏴🏴🏴 نه قدری آغلاسام، سنه قارداش آزدی فلک گورنه یازدی،سرنوشتیمی سنی گر اینجیتدیم،بو دنیاده چوخ من حلال ایت ایندی سن ،خوب و زشتیمی 🏴🏴🏴🏴🏴 یاد اولا خوش گونلر،کی باهم اولاردیق گئزیب دولاناردیق ، خاطرات اولدی یادیما سالدیقجا، گوزوم گوزیاش اَلَر گوره سن او گونلر،قارداش نجولدی 🏴🏴🏴🏴🏴 گلرم قبر اوسته ، با دلِ شکسته سسلرم پیوسته ، ایوای قارداشیم او گئچن گونلری، ئوز یادیمه سالّام سنه گاهی چالّام، لایلای قارداشیم