«آنادی» ختم خوانی مادر سنه دنیاده ائدن مهرومحبّت آنادی دیل آچان وقتیده گنجینه صحبت آنادی باشیوین اوسته سالان سایه رحمت آنادی آنا گلشَندی خزان ائتمیَسن گللرینی گر بهشت آختاریسان اؤپ آنانین اللرینی طفلی آرام ایلیَن شَهد گرانمایه سیدی هم نگهباندی اوشاقه هم اونون دایه سیدی دئیه بیللم ادب و معرفتین پایه سیدی ضمن صحبتده قولاق وئر آنانین سؤزلرینه اؤ باخان گؤزلریوی قربان ایله گؤزلرینه اوشاقین باشئنین اوسته آنانین سایه سیدی صوبحه تک زمزمه ائتمیش اؤنا لایلای سسیدی داغ چکن سینه سینه آه وفغان ناله سیدی راضی اولماز آنا اؤز کؤرپه سنین رنگی سولا ناز پَرور بالانین گؤزلری یاشیله دولا صبح و شب ذکر دعادی ایلیَن إولادینا قوجالان وقتیده بلکه بالا یئتسین دادینا طاقتی گیتدی دیزیندن یئتیشه فریادینا آرزو ایلر آنا غنچه گلُون آچماقینی ایستیَر سؤز دانیشا یؤل یئریوب قاچماقینی آنا بیر شمعیدی إولاد اونا پروانه اولا عشقیدن بلبل نالان کیمی دیوانه اولا آخَر عُمرونه تک همدل و همخانه اولا آنانین خاطرینه کیمسه تؤکه اشگ تَرین امر واضحدی یقیناً گؤره جکدور ثمرین تربیت ائتمَگه سرمایه اینساندی آنا یئتمَگه حدّ بلوغه سنه باغباندی آنا دؤشسه إولادی بَلایه اؤره گی قاندی آنا ایستسیله،سویوقون حسّ ایلیوب روزگارین هر زمان ائتسه دعا عزّتی آرتار بالانین امدیگین شیره جاندیر بیله سن لَذّتینی اؤ مُقدّس آنانین آرتیراسان شؤهرتینی گوهر نابین اگر درک ائده سن قیمتینی خَم اولان قامتیله گؤزله اؤنی آتمویاسان هئجرینه طاقتی یوخ اوندان اوزاق یاتمویاسان چوخ مَشقّتیله قوجالدی چکَجکدیر نفسی آغاران ساچلارینا اولمویا جاقدیر هوسی باشئنین اوسته گرکدور اولا فریادرَسی آیاقا دورماقا لازمدی عصا ایستیَجک احتیاج اولسا گؤررسن آدیوی سسلیَجک نَه اولار غملی چاقیندا آنانی دیندیره سن اونیلان صحبت ائدوب هَردن اونی گؤلدوره سن بالا اولماقلقیون جاذبه سین بیلدیره سن عاشق اولماقلیقی پروانه دن اؤیْرشسگ اینان آنایا خاطیر اولار قسمتیمز باغ جنان آنا دریای محبّت آدی معناده دَرین قلم عاجزدی یازیب دفتره قویسون اثرین زحمت ایستر وئره آلله سنه فردوس بَرین یازدی«شیرزاده»بو سؤزلریله هامی عامل اولا آللّهین لطفوده محزون حالینا شامیل اولا ✍ ✨اَللّهُمَّ عَجِّل لِوَلیِّکَ الفَرَج✨💫 https://chat.whatsapp.com/CysqXna80jUE49wrBXwqOd