🌸🍃🌾🌼 🌿🌸🍃 🌸🍃 💐 با نوای کربلایی فرج یگانه میلاد حضرت مهدی علیه السلام ✍️ حاج اصغر فرشچی (عدلی تبریزی) جلوۀ جمال و حسنون من ایدم اگر حکایت شمسیلن قمر ستاره اولی گل یوزه کنایت چیره دستموش که نقّاش چکدی تا اوروی ماهون بنزدوب سنی نقدری وار پیمبره شباهت اوخشادام آیا جمالون یوخدی آیدا اول وَجاهت گون دیسم مقابلینده بیرتوکون ایدرکفایت بش یاشندا غیبت ایتدون عالمین گوزی یولوندا مَلِکا به وَجهِ تعجیل ظاهر اول ایله عنایت فاطمه گولی گلستان گوللری پوزولدی تز گل بلبل آغلوری چمنده گولدن ایلوری شکایت نقدربولود دالیندا قالاجاق اوگول جمالون اولان ای فیوض بخشِ بو جهان تا قیامت دلبرا بو آیرولوقدان جانا گلدی عاشقانون مُنتظراولان یورولدی هاچانا کیمی غرابت دلبرا اورک اویندن او جمالی ایتمه پنهان گل اوپوم الون ایاقون گرچه منده یوخ لیاقت نـقدردو زوم فراقه یته بولموروم وصاله گوره گر بوگوزجمالون تا پارام آقا سعادت روح وجانیمه بوهجرون اود ویروب سالوب شراره خرمن وجودعشقی یاندورور ایدوب سرایت کفرو ظلم آلوبدی مِه تک دنیانون یوزون اماندی گَل غُبار کُفری پاک ایت اولان ای خدایه آیت نچه زورگو الیندن تنگه گلدی بومسلمان دینه هَتک حُرمت ایلورهرزمان تاپورفراغت گه فِلسطینه تجاوز گهی اَل آتورعراقه ذولفقار الینده تزگَل حُکم ایله اولا عدالت گَل زمان غیبتیندن گورمدوخ عدالت اولسون عدل وداده بیرعَلَم ویراَسدیرای شه ولایت آیۀ حِجابه کافر چوخلاری اولوب زماندا تاپشوروب حِجابی قرآن گَل اوزون ایله تلاوت پیراولوب وجود (عدلی ) یتیشورتمامه عمری وارامیدی روزمحشرایده سن اونا شفاعت 💐 🌾🌼 🍃🌾🌼 🌸🍃🌾🌼