شهادت حضرت رقیه (س) . #سبک_آخشام_اولدی_ننه . مرحوم یحیوی اردبیلی اکبریم شامه گل گور رقیّون نئجه دیده گریاندی – دل پریشاندی . قلبده سوزشیم گئجه گوندوز ایشیم آه و افغاندور – گوز یاشیم قاندور . مسکنیم قارداش کنج ویراندور بیلسون احوالیم چوخ پریشاندور پر شکسته قوشام صید اولوب دوشمیشم دام زندانه – بام ویرانه . اولمیشام مضطرب یانورام روز و شب نار هجرانه – آه سوزانه . واردی چوخ نسگلیم بنذیور منزلیم بیت الاحزانه – یا عزاخانه . روزگاریم نئجه گور کئچور مسکنیم شهر سفیاندور – کافِرِستاندور . آرزو وار منیم گورمگه مسکنیم گله سن اکبر – ای ملک منظر . گلمگون اولسا گر باجیوا وئر خبر اوندا گور نیلر – بینوا خواهر . ایاقون آلتینا آچیلوب فرش اولا توزلی گیسولر – طرّه ی مولر . سویولوب زیوریم قالمیوب معجریم بیر قالان جاندور – سنه قرباندور . آدووی بیرده من یازورام یرده من عطریوی هرآن – آلورام اوردان . آچارام سینه می قویارام تپراقا دییرم بو جان – آدیوا قربان . یریوی بیلمورم دالوویجاق گلم تا تاپا پایان – مدت هجران . رسمدور بو مثل وصلوه تاپسام ال هاردا جاناندور – راحت جاندور . گئجه لر آی باتار هامی گوزلر یاتار بیر منم بیدار – بیرده اولدوزلار . یاتمیان بیر منم بیر گوگون اولدوزی منزلیم ظلمت – گوشه ی غربت . آچارام قلب ائوین دییرم گل على ای قمر طلعت – ایلیک صحبت . اوندا گوررم منیم بو قرانلوق ائویم ماه تاباندور – نوره باراندور . حسرتیلن گچر هر گئجه گوندوزوم گوزلریم اکبر – یولووی گوزلر بیر دئمورسن گئدوم باجیمی یوخلایوم که گوروم نیلر – آتاسیز دختر . منی صحرالره بیلوسن که چکوب کاکل عنبر – ای گل احمر . گردنیمدن گوتور منی آزاد ائله صبر پایاندور – ختم هجراندور لینگ کانال 👇👇👇👇 ﷽🍁https://eitaa.com/Maddahietorki ✨اَللّهُمَّ عَجِّل لِوَلیِّکَ الفَرَج✨