《 شهیدلر ئولمیوب ئولمز 》 بویورموش حضرت سبحان شهیدلر ئولمیوب ئولمز واریمدور بو سوزه برهان شهیدلر ئولمیوب ئولمز دییوب قرآن منزلده نئچه یرده حق منان اولار کی حق یولوندا ائیلیوب اوز جانینی قربان مسلم زنده دی ، طاهایه خالق ائیلیوب اعلان دئمه امواتیدور بیرآن ، شهیدلر ئولمیوب ئولمز شهید اوز جانینی اسلام و قرآنه فدا ائیلر اوزوندن هر ایکی دنیاده اللهی رضا ائیلر همیشه حق یولوندا جانین آماج بلا ائیلر ائدر عالملره اعلان شهیدلر ئولمیوب ئولمز آلار اوز درسینی دنیاده سالار شهیداندان چیخاردار کشتی ایمانینی امواج و طوفاندان حسین بن علی تک باک قیلماز قانلی میداندان ائدر میدان آرا جولان شهیدلر ئولمیوب ئولمز شهادت مکتبیندن درس آلوب مردان ایرانی جهاندا قوزیبدور پرچم اسلام و قرآنی بو یولدا باش و جانیندان گئچوب قاسم سلیمانی کی دینه یئتمسین نقصان شهیدلر ئولمیوب ئولمز الینده نقد جان ایثار ایدر قرآن و اسلامه اوجاتسون باشینی تا دین حق چاتسون سرانجامه هراس ائتمز بو یولدا دوشسه جسمی صید تک دامه وئرر قان لیک ائدر عنوان شهیدلر ئولمیوب ئولمز شهیدین حرمتی واجبدی هر آزاده انسانه نه چون بونلار وئریبلر عزّ وشوکت مُلک ایرانه باتوبلار دین حقدن اوتری میداندا قیزیل قانه کی پاینده قالا قرآن شهیدلر ئولمیوب ئولمز توکر گوزیاشینی کیم باخسا تمثال شهیدانه مسلم غبطه ائیلر چوخلار اقبال شهیدانه دئیر صد مرحبا عالمده احوال شهیدانه نه چون وار بوسوزه ایمان شهیدلر ئولمیوب ئولمز شهیدین حالینه غبطه ائدر انسان اولان هرآن نه چون کی ثبت اولوبدور جاهینه " لاتُخسِروالمیزان " شهیدین روحینه عزت وئرر" یاسین والرّحمان " قالار حور و مَلَک حیران شهیدلر ئولمیوب ئولمز اورک آئینه سین آیات حقیله جلا ائیله تعلقدن بو دنیاده اوزون سعی ائت رها ائیله شهادت شهدینی ایچمالیقا شیدا دعا ائیله وَ حقّه ائیلَمَه عصیان شهیدلر ئولمیوب ئولمز #شهیدلر_ئولمیوب_ئولمز #محمدرضاصادقی‌شیدا شنبه۵خرداد۱۴۰۳ جریان فعالان فرهنگی شهر را از پایگاه اطلاع رسانی فعالان فرهنگی شــــــــــــهـــــــــــر ســــــــــهــــــــــــــــــــند دنبال کنید https://eitaa.com/Media_Sahand