📜قصيدة : نسيت وجودي ✒️للشاعر : #الشيخ_وسام_الشويلي 🏷️ ذكرى : استشهاد النبي الأكرم عليه السلام 🗓️ تاريخ : ليلة 1 ربيع 1442 🕌 حسينية : هيئة سيد الأوصياء -واسط- نسيــت وجودي شعوري يمّك غرام كتبته على گلبـي اسمك لگيت صفنتي تحاچي رسمك امـــوت بدونك هواي اشــمّك....هواي اشمّك ❤🍃❤🍃❤🍃❤🍃 حبيبـــي أدوّر عن حچي يوصف المشاعر حبيبـــي صفن حتى الكلام وشفته حاير اجمّع كل حچي الدنيا واجيك و اطلبـك وارتّب جمـله لحساســي واحاول اكتبك يموت الحچــي وبس تبقه عبارة أحبـّك يعشگي وغرامي بعيونك هيامي سكوتي وكلامي حـــــروفـــــك بعيـــد مسافه قريـــب مشاعر اغيب واشوفك أمامي حاضـر تصيـــح اسمعــــك بلا مناصـر واجيك مُلبّــي بدموعي اكلمك....هواي اشمّك ❤🍃❤🍃❤🍃❤🍃 تواصـــل يــــضل بيــــناتنه محّـــد يـــعرفـه تواصـــل على الخير انجمعنه وماهي صدفه أنه من نعمتك شـ انسه يـَـمَن اكرمِتـني طفل وبمَشيتي اعثر واشوفك شلتنـي حفظت الماي البوجهي وصدگ كبّرتني تقرّبنـــــي منّك صرت چنّي ابنك فَلا اجفي عنّك يـــــغـــــــــالـــي الإلــــه رحمته مَبين عُيونك يدين محبّه حـــرام اخونك عذاب حياتي تصير بدونك ترى المسيــرة حفَظها دمّك....هواي اشمّك ❤🍃❤🍃❤🍃❤🍃 انه ادري اذا ويّ غيـــــرك اخطأ مايسامح انه ادري غموض الدنيا كلها وانته واضح اجيــــك بلهفتي واشعر تأشرلي بيدك وأنادي بكلمة احساسي حبيبي اريدك مَلِك آنه اذا اصبــــح عبد من عبيــدك يــحلو الشمايــل شكثر رقّه شايل اعله حبّك اقاتل حــبــيــــــبـــــي انه شريـــتك بعت حيــــــاتي فَلا نسيـــــتك يَــــــأُمنيـــاتي أنه بـــــحروفك بدت صـلاتي اسهرت ليــالي أنه ويه نجمك....هواي اشمّك ❤🍃❤🍃❤🍃❤🍃 غربــــــتك يبواليمّه صفت موطن إليّه غربــــــتك تظل لعاشگك قصّه وهويّه اشوف اجروحك تسولف سوالف محبّه تلزمه الحاول ايــــعوفك تجيبه وتقربه تمد ايدك يبوالرحمه وتحطها على گلبه يرمحه ومحنّه وگلب ماكو منّه أحبّــــك يَجَنّه عظــــيـــمـــــه يرحمة الله اويــه مغــــفراته اليعوف محبتك خطأ حياته اليــجيك تحقِّق إلــه امنياته عجيــبه بالطف بشر تظلمك....هواي اشمّك ❤🍃❤🍃❤🍃❤🍃 دمــــــائك جرت بالطف لجل نشر العداله دمــــــائك جرت واستنقذتنه من الضلاله الفتن طوفان بس انته نشوفك سفينه واذا ليــــل الظُلُم خَيّم ضواك اليجينه الصدگ اصلاح بس انته يَدعوة نبينه الحقيقة بمسارك البشر بإنتظارك نريــــد انتصارك نــــــشوفــــــه اجيـــــت اسألك يعمري انته الإمام ظهوره شوكت طلعته يرفعه بسمــــك عَـــلَم ثورته حلم محــــمّد نشوفه حلمك....هواي اشمّك