حقیرم من، فقیرم من، منه احسان ائله یا رب بو قلبی آشنای وادی عرفان ائله یا رب سیه رو بنده نی قوما قاپوندان مهربان الله حریم وصلوه بو بنده نی مهمان ائله یا رب پیمبردن قالان سرمایه قرآنیله عترتدی منی مهمان خوان عترت و قرآن ائله یا رب شهید ئوز جانینی تقدیم ائدر تا دین قالا باقی شهیدلر تک منی ئوز دینیوه قربان ائله یا رب خدایا نفس امّاریله مشغول جهادم من منی بو جنگیده پیروز بر شیطان ائله یا رب هوای نفس اگر سلطان اولا نابود اولار انسان عنایت ائت منی ئوز نفسیمه سلطان ائله یا رب تعلق های دنیانی کناره قویما مشکلدی ئوزون لطف ائت منه بو مشکلی آسان ائله یا رب خدایا بی قرار و دردمندوخ دردیمیز چوخدی عنایت ائت بو جمعین دردینی درمان ائله یا رب اوشاخلیقدان حسینیله ابالفضله مرید اولدوخ بیزی زوّار صحن ساقی عطشان ائله یا رب مهدی شریفی #ماه_مبارک_رمضان #مناجات #ترکی @ashaarsharifi