شعر ولادت قمر منیر بنی هاشم حضرت ابوالفضل العباس ع در آهنگ ؛؛؛استخاره کردم امشب 🍀🍀🍀🍀🍀🍀🍀🍀🍀🍀🍀🍀 تا قدم قویدی جهانه حیدرین نام آور اوغلی یثربی ایتدی مُنّور شیر حی داور اوغلی مرحبا اُمَّ البنیه گُل گتوردی باغ دینه یا ابافاضل مدد یا ابافاضل مدد ۴ 🍀🍀🍀🍀🍀🍀🍀🍀🍀🍀🍀🍀 ویردیلر مولایه مژده گوزلرون آیدین علیجان حق سنه بیر پای ویریبدور گل یوزی بیر ماه تابان گلدی گورسون دلرباسین شوقیله چون شیر یزدان گوردی به به چوخ گوزلدی ساقی جان پرور اوغلی مرحبا اُمَّ البنیه گُل گتوردی باغ دینه یاابافاضل مدد یا ابافاضل مدد ۴ 🍀🍀🍀🍀🍀🍀🍀🍀🍀🍀🍀🍀 آلدی آغوشه بالاسین بازوی اعلاسین ئوپدی ایلدی تحسین او طفلی قامت رعناسین ئوپدی آخدی اشکی گل جماله دیده ی شهلاسین ئوپدی یادینه دوشدی او صحنه تک قالار بی یاوراوغلی مرحبا اُمَّ البنیه گُل گتوردی باغ دینه یا ابافاضل مدد یا ابافاضل مدد ۴ 🍀🍀🍀🍀🍀🍀🍀🍀🍀🍀🍀🍀 ایتدی بو صحنه پریشان خاطر اُمّ البَنینی عرض ایدوب ای شاه عالم وی نبی نین نور عینی اوغلومون واردور نه عیبی آگه ایله بو حزینی ایتدی فرمایش یوخ عیبی شیر حقین دلبر اوغلی مرحبا اُمَّ البنیه گُل گَتوردی باغ دینه یا ابافاضل مدد یا ابافاضل مدد ۴ 🍀🍀🍀🍀🍀🍀🍀🍀🍀🍀🍀🍀 بو اوجا بویلی بالانون وار بیر آیری ماجراسی ثبت اولار تاریخ عشقه اوغلوون مهر و وفاسی واردی چون اوغلوم حسینون ماجرای کربلاسی گوز تیکر بو نامداره عترت پیغمبر اوغلی یا ابافاضل مدد یا ابافاضل مدد ۴ 🍀🍀🍀🍀🍀🍀🍀🍀🍀🍀🍀🍀 ای ابوالفضل دلاور منصبی باب الحوائج شاه مظلومون وزیری دردلره سن سن معالج کیم سنه دل ویرسه مولا اخذ ایدر عالی نتایج درگهون باب کرمدی ای شفیع محشر اوغلی مرحبا اُمَّ البنینه گُل گَتوردی باغ دینه یا ابافاضل مدد یا ابافاضل مدد ۴ 🍀🍀🍀🍀🍀🍀🍀🍀🍀🍀🍀🍀 "دلجویم"محشر گونونده بیر سنه واردور گمانیم بیر گدای بی پناهم اوج ایدر عرشه فغانیم واردی قلبیمده بولورسن سن اوزون درد نهانیم ورد و ذکریم دور دمادم مرتضانین سرور اوغلی مرحبا اُمَّ البنینه گُل گَتوردی باغ دینه یا ابافاضل مدد یا ابافاضل مدد ۴ 🍀🍀🍀🍀🍀🍀🍀🍀🍀🍀🍀🍀 #دلجو# 🍀🍀🍀🍀🍀🍀🍀🍀🍀🍀🍀🍀 اصغر گلمحمدی متخلص به (دلجو )