میلادیه امام زمان(عج)
فارسی_ترکی
.
سیفی اردبیلی
.
ترکی
.
احسن نیمه ی شعبانه/احسن خلقت یزدانه
مرحبا بیله انسانه/گلمز مثالی بو دورانه
مهدی صاحب الزمان
مبارک اولسون مبارک اولسون عطای داداریمیز
مبارک اولسون مبارک اولسون ولادت یاریمیز
.
.
.
یاندی مشعل عدالت/سامرّا اولوبدی جنت
دنیانی دوتوب طراوت/گللندی باغ امامت
مهدی صاحب الزمان
گُلَش یوزیندن قرا گوزیندن وئروب طراوت بیزه
ایاقلاریندان دوداقلاریندان یاغوبدی رحمت بیزه
مبارک اولسون…
.
.
.
مهدی نور کبریادی/مهدی عشق مرتضادی
نعلینینده کی غباری/اهل حقه توتیادی
مهدی صاحب الزمان
ظهور ائدر کعبه دن بو مولا آچار لوای کرم
الینده تیغی بنای ظلمه ویرار شرار عدم
مبارک اولسون…
.
.
.
انسانی چکر اعزازه/مولانون دئدیگی سوزلر
چخسا پرده ی غیبتدن/خلقون نیک و بدین ئوزلر
هم زینب هم آنام زهرا/مهدی نهضتینی گوزلر
مهدی صاحب الزمان
ولیّ داور وصیّ حیدر یگانه رهبر بودور
وکیل خون علیّ اکبر علیّ اصغر بودور
مبارک اولسون…