امام حسن...ع...
وار کیمین اعتقادی پنج تنه
محرم اولسون گرکدی انجمنه
آتسین ال دامن امام حسنه
.
دوکسه سائل کیمین کرم قاپی سین
حسنون حتمی محترم قاپی سین
بو اوشهدی جلالی والادی
بو حسن شمس آل طاهادی
بوحسن بند قلب زهرادی
گوهر ناب بی بدلدی حسن
هر گوزلدن گنه گوزلدی حسن
صلح ایدیب خلق خوابیدن اویانا
بلکه بیر عده شرم ایدیب اوتانا
عجم عشاق اولا عدو دولا نا
صلح ایدیبدی که نام دین اوجالا
گله بیر گون .رقیه شامی آلا
بو هماندی حسین برادریدی
نهروان و جمل دلاوریدی
جنگلرده علی برابریدی
حیف اولا قلبین اودلادی دشمن
حقی عدلین ایاخلادی دشمن
نصف شب سسلدی باجی یاندیم
زهر مسموم ایدیب الولا ندیم
جگریم شعله چکدی دوغراندیم
اورگیم غصه دن سیخلدی باجی
گل یوبانما ایویم یخیلدی باجی
ویر خبر قارداشیم هرایه گله
اهل بیت نبی عزایه گله
ئولمه میش قاسمیم نوایه گله
بالامی تاپشوروم شه زمنه
اونا لطف ایله خدمت ایله منه
لب لعلین آچوبدی محشر اولوب
لخته قانیله لعل لب تر اولوب
گل کیمون پرپرو معطر اولوب
داس غم حیدری ..گلی دردی
طشته عارف بیلر نه قیتردی
شعر از حیدری قم