سرود ازدواج حضرت علی (ع) سبک : شب به گلستان تنها غصه و غمدن اولدی قلب جهان آزاد گویده ملکلر سسلور حیدر ائوون آباد یوخدی بئله داماد- حیدر ائوون آباد هرگز دئمم آی چون بئله رخشنده آی اولماز یوسفده گوزلیکده بوداماده تای اولماز تکدی وجاهتده - حسن وملاحتده باشدی سلیمانان - جاه و جلالتده گویده دیور گوی اهلی جانم علی جانم یرده دیور یر اهلی آدینه قربانم (۲) مرحبا بو داماده چون مه انوردی صول طرفده سلماندی ساغدا اباذردی اورتادا حیدردی - فاتح خیبردی ظاهرده اگر جشنه گلوب اهل مدینه باطنده ملکلرده انوب روی زمینه به به بوجلوسه- دللرده خلوصه لایقدی بوداماد - الحق بوعروسه گویده دیور گوی اهلی جانم علی جانم یرده دیور یر اهلی آدینه قربانم (۲) ام السلمه تبریک عرض ایلور عروسه زهرانون الینن هی ایستور ویرا بوسه باخ اوندا خلوصه - ایستور ویرا بوسه ظاهرده الینن اگر عورتلر ئوپردی باطنده ملکلر باشینا لاله سپردی یوخ مثلی حیاده - هم مهرو وفاده کیم دوشسه بلایه - سسلر اونی داده گویده دیور گوی اهلی جانم علی جانم یرده دیور یر اهلی آدینه قربانم (۲) نغمات خاکی