چیخ استقباله ای ماه مدینه باجون گلدی حسین جان اربعینه دمشقیدن قییتدی کاروانیم اویان ای گل آدی ورد زبانیم اوجالدی سینه دن آه و فغانیم گدور نالم گئنه عرش برینه باجون گلدی حسین جان اربعینه قرارو عهدیمی باشه یتیردیم گلستان وفاده گل بیتیردیم دور ای تشنه شهیدیم سوگتیردیم وئرن ای قانی سو گلزار دینه باجون گلدی حسین جان اربعینه غبار غم سالوب لکه یوزونده مصیبت شرحی وار اودلی یوزونده باشیندا قاره گوز یاشی گوزونده گلوب دیداروه نازلی سکینه باجون گلدی حسین جان اربعینه ملال و محنتی گلمز حسابه اورگی دوندی اوچ یاشدا کبابه او قیزین مدفنی اولدی خرابه رقیه ماتمینده یاندی سینه باجون گلدی حسین جان اربعینه توکردی گوزیاشی اول بی قرینه بویانمیشدی یوزی اشک ترینه گجه بوکدوم اونی اوز معجرینه تاپیلمادی کفن نور دو عینه باجون گلدی حسین جان اربعینه او قیزکی تاپشیریب وئردون امانت او چوخ ویرانه ده ائتدی اقامت باجون زینب اولوب سندن خجالت رقیه سیز گلوب بو سر زمینه باجون گلدی حسین جان اربعینه فلک لجه دوشوب مندن باج آلدی یولومو کربلادن شامه سالدی باجون یولاردا غم چکدی قوجالدی زبس کی طعنه ویردی اهل کینه باجون گلدی حسین جان اربعینه خاکی