🌷 شهادت امام محمد تقی (ع) 🌷 غزال فکریمی صیاد غم شکار ایلدی کسوبدی چاره یولون محنته دچار ایلدی دوشور خیاله بوگون محنت امام جواد ائوینده همسری صبحین چو شام تار ایلدی ویروبدی زهر جفا حضرتی ایدوب مسموم جفائیله دل دنیانی شعله بار ایلدی آناسی فاطمه تک حیف اولا جوان ئولدی خزان ویروب او گلی حسرت بهار ایلدی گلوبدی اوغلی ایدوبدور امامی غسل و کفن آتاسی کاظمیله قبرین همجوار ایلدی بئله خیاله گلور بو گونی امام زمان گیدوبدی خطه ی بغدادیده قرار ایلدی یانا یانا دیوری وای غریب ئولن بابا وای اورکده قالدی سوزون دیده می خمار ایلدی عیالین ایتدی حسن تک بابا سنی مسموم ستمده جعده مثل آدی اشتهار ایلدی ویروبدی زهر هلاهل الولانوب جگرین جفا و جوریده طغیان او کین شعار ایلدی سو ایستدون سویی توکدی یره باخوب یاندون اورکده آتش حسرت سنی فگار ایلدی سن ایستینده کمک سویلیوب کنیزلره سسین باتیرماق ایچون جمله سی هوار ایلدی غریب کرببلا تک سوسوز چیخوب جانون کیمون واریدی دییم حمل بر مزار ایلدی قالوب جنازه ن آتا اوچ گئجه گونوز یرده یانان بو قلبیمی غم تیری زخمدار ایلدی آتام جنازه سی اوچ گون قالوبدی زنداندا تمام شیعه لرین غصه داغدار ایلدی اولا خدای جهانی رضا سلیماندان آتامی عزتیله قبره رهسپار ایلدی ولیک جدیم حسینون ملالی فرقیلیدی مصیبتونده اونون عالم آه و زار ایلدی قالوبدی گونلر ائوینده او جسم صد پاره غریبه ظلم و جفا قوم کین تبار ایلدی گورنده زینب کبری او پیکر عوری گلوب نوایه خانم دیده اشکبار ایلدی گلوب دیله دئدی قارداش سنه باجون قربان بو پیکرون یارالی سلب اختیار ایلدی او قدری یاره دگوب بیر جه صاف یرون یوخدی بو قوم کینه سنه ظلم بیشمار ایلدی سنی شهید ایلینلر توکولدی خیمه لره خیام طاهره نی جمله تار و مار ایلدی گیچن گئجه بالالار آغلیوب من آغلامیشام سیزیلدادی بالالار قلبی پرشرار ایلدی ملال زینب کبرایه ( حیدری ) آغلا کیم آغلاسا خانیما جدی رستگار ایلدی @ekhteyari  ۰۹۱۲۲۵۲۳۶۰۷ لینک کانال توبندگی چوگدایان به شرط مزد مکن که دوست خودروش بنده پروری داند