. #ترکی #امام_حسین_علیه_السلام_ولادت #حاج_مهدی_رسولی سروریم ، تاج سریم ، عز و فریم ، شانلی نگاریم شرفیم شان و وقاریم دوغری عاشق لره دنیاده گوزل سئوگلی سن سن آرزولار باخچاسینون آللی ، چیچکلی گلی سن سن سوسنی ، سنبلی سن سن حشره تک باده ی عشقیندن ایچن کیمسه آییلماز اولماسا مست قلندر آدی دنیایه یاییلماز صف عشاقده عاشق لر آرا زبده ساییلماز دئمیرم عاشق اولانماز عاشق صادق اولانماز ساغر عشقه اوزالدان اَلینی دنیادا چوخدی اما بیر کیمسه اورکدن ایچه بو باده نی یوخدی بو مِیین ساغری اوخدی هامی بو می دن ایچنمز بو او می دور کی بونا عشقیدی ساقی بو او می دور کی دئیلر آدینا باده باقی کیمدی می ایچمه ده سن تک یارادا تازه سیاقی کیمدی سن تک چکه باشه بئله بیر جام وثاقی ایچه بو اودلی چناقی ایچه بو اودلی چناقی سن او سرمست بلا سن سنه یوخ دهرده تالی عشق میخانه سی عالمده اولوب سنله صفالی ای سالان غلغله عالم لره مستانه خصالی بیر ایچیمده ائله دون ساغری خالی ای قویان واله و حیران هامی دنیانی کمالی عشقیوین یوخدی زوالی عشق معناسینی عالمده مسلم آناجاقدور جهلی باشدان آتاجاقدور عشق اودوندا یاناجاقدور دوشوننر قاناجاقدور دئیجاقلار، یوراجاقلار، گزیشیب آختاراجاقلار آختارانار قاناجاقلار ینی دنیایه گلن لر سر عرفانی بیلن لر بو او سلطان دی قلج لار یاراسی تاجی اولوبدور مدنیت ، بشریت هامی محتاجی اولوبدور عالمه ناجی اولوبدور رفرف شوقیله عرش حقه معراجی اولوبدور کیمدی بو کیمدی کی عالم لری عشقینده ائدوب مات محو اولوب اهل سماوات چاتا بیر کیمسه بونون عشقینه هیهات بو او عاشق دی کی اوز عشقین ائدوب عالمه اثبات کیمدی بو پیر خرابات کی اولوب ، درگه حاجات کیمدی اجلالینه تعظیم ائلیری گویده ملک لر کیمدی اخلاصینه تکریم ائدوری شانلی فلک لر بیلون ائل لر بیلون ائل لر بو اوسلطان معظم دی کی شاهلاردی، غلامی عرش اعلادی مقامی ماسوالله ین امامی بو حسین بن علی دور شرف کون و مکاندی علت خلقت افلاکیدی سلطان جهاندی فاطمه اوغلی دی پیغمبره بو روح رواندی بو جهان فر ض اولا پیکر بو همان پیکره جاندی بو همان جان جهاندی حکمی دنیایه رواندی ابدی دور ، ازلی دور خلقه دنیاده ولی دور او سراج ابدیت دی کی انوار رخوندان عالم عشق جلی دور بو حسین ابن علی دور بو حسین ابن علی دور 📢حــاج مـــهدی رســولی #میلاد_امام_حسین #مدح .............................. https://eitaa.com/emame3vom/58321 👇