یاباب الحوائج...........حضرت علی اصغر.ع......زبانحال خانم رباب.
اصغریم قانه بویاندون قالوب آواره آنون.
قالدی حسرت سنه بوبختی گونی قاره آنون.
حقی وارچوللره دوشسه اورگی داغلی رباب.
گئجه گوندوز یوزونه اشکین اَلَرمثل سحاب.
دییَرعالمده منیم تک کیم اولوب قبلی کباب.
آیریلان وقتیده مندن یوزومه آچدی گوزون.
دیل یوخیدی باخشیلان منه آندیردی سوزون.
باغریما باسدیم آخان گوزلرینی بوسه لدیم.
بالامی اَللریمون اوسته بیر آز سیلکلدیم.
تِز وئروب زینبه باخدیم دالسیجاق ملدیم.
قَیدوب خیمه لره معجریمی آلدیم اَلَه.
چوخ دعالر ایلدیم ساحتِ حَیّ اَزَله.
دَرداَلیندن اورگیم دَهریده دینجلمییجک.
فکرائدردیم گولومی دست اَجل دَرمییجک.
آگه اولموشدی بالام خیمه لره گلمییجک.
بختیمون اولدوزی باتدی منی چوخ سیخدی فلک.
بالام اوخلاندی بوچولده اِئویمی یخدی فلک.
حَرمَلَه گوردی بیرایش ظلمیده طغیان ائلدی.
ووردی دیلسیز بالامی قانینه غلطان ائلدی.
اوخ نجه دَگدی حسینون اورگین قان ائلدی.
اوچ پَراوخ اصغریمین عمرینه پایان وئردی.
آتانین اللری اوستونده بالام جان وئردی.
یانورام دَردِ فراقونده غمیم چوخدی علی.
نجه لایلای دیینوندن خبرون یوخدی علی.
سنی مندن آیران ظلمیله بیر اوخدی علی.
داخی بوندانصورامن خانه بِدوش اولام اوغول.
منه نِسکیلدی شَماتتلره توش اولام اوغول.
نَنه نون صوداَمری ئولسه دوشَر آیری حالا.
اورگیم تیرِ بَلیّاته دُچار اولدی بالا.
بیلمزیدیم علی سینمده یِرون خالی قالا.
عطشون صبر اِئوینه گورنجه اوت سالدی علی.
سینه ده دیرناقووین رَدی نشان قالدی علی.
دوزه بیلمز غمِ هجرانووه بیچاره آنون.
دردینه چاره تاپانمز اورگی یاره آنون.
چوللری مَسکن ائدربختی گونی قاره آنون..
(یاسره) ایله نظر گُل بوغازی یاره اوغول.
واردی دَردی اورگینده اوناقیل چاره اوغول.
#دلنوشته_یاسرگنجی_اردبیلی.