ورود به ماه محرم ✍حاج حبیب شایسته خو (خسرو شاهی) گلوب محرم آچیلدی پرچم کیمین وار عشقی عزایه گلسین دخیل اولانلار مریض اولانلار قرا گیینسین دوایه گلسین 🖤🖤🖤 آقام حسینین ای اهل عالم تاپوبدی رونق گئنه عزاسی الی ئورکده دوشوب قباقه دئیور حسین وای آتا آناسی او چولده چوخلار دوشوب بلایه ائدوبله حقدن بو التماسی حسینه نوحه دیوبدی نوحلار عزیز زهرا هرایه گلسون 🖤🖤🖤 خبر وئرون ای عزا دوتانلار هامی مریضیله قرضداره آچیلدی باب کرم بو آیدا اوتانما گل ایله درده چاره او کفش کندن باخور ابوالفضل دلوزده کی نوحیه شعاره سووَر همیشه آناسی زهرا مجالس بی ریایه گلسین 🖤🖤🖤 وئروبدی فرمان خدای کعبه بهشته چکسین قرا ملک لر دییور اوغول وای آناسی زهرا حسینه توتموش عزا ملک لر گییوبدی صاحب زماندا قاره سیزی ائدور چون دعا ملک لر رسول اکرم اولوبدی دعوت دیار کرب و بلایه گلسین 🖤🖤🖤 او دردمندی که چوخ دولاندی مریضینین اولمادی دواسی بو بزم دارالشفادی الحق بهشت جاندور حسین عزاسی امیدیلن گل اوتانما آغلا مریضیوین بوردادور شفاسی بو سرورین دامنین بوراخما تمام دردون شفایه گلسون 🖤🖤🖤 حسیندی تنها طبیب حاذق تمام درده دوا حسیندی اوتانما گل مجلس عزایه وئرن بو اشگه بها حسیندی دعا حسیندی صفا حسیندی دوا حسیندی شفا حسیندی دئیون که حاتم گدا مثالی حسین الیندن عطایه گلسین 🖤🖤🖤 یازوبدی (خسرو شهی) بو شعرین ازلده شهر میاندوآبدا ثوابینه من یقین شریکم اوخونسا اخلاصیله کتابدا نچونکی وار شاعرینده سهمی هامی عذابدا هامی ثوابدا دئیون محبت لی نوحه خوانلار صفالی ماتم سرایه گلسین 🖤🖤🖤 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨