بسم الله الرحمن الرحیم مدح حضرت زهرا ع ✅ کیم دئسه یا فاطمه هر دلربادن باش گلر دوز چاخیرسا آدینی حمدُ ثنادن باش گلر فاطمه آدین چاغیر آل دردیوین درمانینی بو آدین وار حرمتی هر بیر دعادن باش گلر فاطمه آدین ملکلر گویده ایلر زمزمه چون بیلولر او خانم اهل سمادن باش گلر خانمون اوز آتاسین بیرده علینی دئمورم ولی زهرانون مقامی انبیاء دن باش گلر حضرت صادق بویورموش بو حدیثی بیزلره آنامون شأن و جلالی اولیادن باش گلر بویوروب بیز عالمون حجتیوخ زهرا بیزیم اودی که رتبه لری هر مقتادن باش گلر لَيْلَةِ الْقَدْری بیلنلر درک ائدر کیمدور خانم بوشلا یاوه گولری چوخ اِدّادن باش گلر بیر خانم که اونچون سوره گلوب آیه گلوب شکی یوخدور او خانم بیت خدادن باش گلر بیر خانم که اونی تعریف ائده قران مجید وار یقینیم عزتی عرض و سمادن باش گلر بیر خانم که الینی طاها ئوپه قران کیمی نه یازوم من بینوا چون و چرادن باش گلر ولی ظلم اهلی اونون بیلمدی اصلا قدرینی حقّینی الدن آلانلار اشیقادن باش گلر توکولوب یاندیردلار هم قاپسین هم سینه سین اولارون ظلمللری هر بیرجفادن باش گلر وئردیلار دوشدی یره باتدی قانا ئولدی بالام روضه سین روشن دئسم آه و نوادن باش گلر یاپشاندا قاپیا سسلندی وای یاندیم بابا قیزیوین درد و غمی یوز مین بلادن باش گلر ئولدی بطنیمده بالام سینم دلیندی هارداسان حیدریونده محنتی هر مبتلادن باش گلر یوخدی امداده گل باخ آدامسیز قالمشام اودی زهرانون سسی یدی سمادن باش گلر دای قوتار بسدور (جواد) یازما نلر چکدی خانم حضرتون روضه لری هر بیر عزادن باش گلر #اصلی https://eitaa.com/haj_javad_mohammadi