#امیری دوبیتی پند امیری 🌺🌺🌺🌷🌷🌷🌸🌸🌸🌹🌹🌹🌹🍀🍀🍀🎤 دنیای دنی ره بی وفا بدیمه اتی ره گدا اتی ره شاه بدیمه دل دوسّمه هر کس ره دارِ دنیا خله رفق ره من بی وفا بدیمه ****************🌹 شه دل ره ونه رفق جلا هدائن صاف ها کردنا وره صفا هدائن کینه که داری ته دل ولائی نونه چه ونه شه دل کینه ره جا هدائن ******************🌹 ای داد و بیداد عمر ره هدر هدامه دنیا ره برتری بر محشر هدامه پیر بهیمه و فکره جزا نکِرْدْمه دسْ دسی شه خد ره من خطر هدامه *******************🌹 زرنگ اونه که فکره جزا هاکنه هر کاری کنده فکره فردا هاکنه دِ روزه دنیا دین و ایمون نروشه اتی هم فکره تاریکه جا هاکنه ******************🌹 سختی ندی قدره راحتی ندوندی پیر نعی قدره سلامتی ندوندی دنیا ونه که تره محک بَزنِه زرگر نووی قدره زینتی ندوندی *********************🌹 قارون بورده و شه گنج یور نورده سلیمون بورده یک پای مور نورده داوود بورده وا وه شه زبور نورده جز اتّا غمیس هیچ چی ره گور نورده *********************🌹 هر کی ره بدی شسّه همباز نعیرین شخص نادون ره محرم راز نعیرین شه دس ره دراز نکن پیش هر ناکس جز آل پیمبر چاره ساز نعیرین ********************🌹 روزی بونه که ته قد کمون بواشه با داس اجل ته تن نون بواشه ته نعش بِلِن اماری. ته رفقون ته خن رفق قوره میون بواشه ************ مرد حق برار دل ندنه دنیاره دنیای وِسّه نروشنه عقباره سمت بعیته مست و مغرور نبونه ستم نکنده وه شنه زیر دستا ره شاعر حاج قاسم جناتیان قادیکلایی