شهادت حضرت زهرا (س) . . مرحوم #دلریش . یوز وئروب یافاطمه عالمده نه غملر سنه ائتدیلر نه ظلم آیا زمرۂ کافر سنه . . آشنا بیگانه اولدی بیر به بیر یان دوردیلار ائتدیلر غصب خلافت قاپیوی یاندیردیلار من نئجه تقریر ائدوم اعدا قولین سیندیردیلار هئچ روادور بو ستم ای دخت پیغمبر سنه . . آچدی جور و ظلم الین امت پیمبردن صورا قویمادیلار عترتین راحت پیمبردن صورا کیم چکوبدور سن کیمی محنت پیمبردن صورا وار یری قان آغلاسون بو شیعه لر یکسر سنه . . چونکه تأکیدیله تاپشوردی سنی فخر الانام بیر امانتدور بو مندن ایلیون چوخ احترام یاخشی حرمت ائتدیلر اول فرقه بیننگ و نام آرتوروبلار هر زمان غم اول ستمگرلر سنه . . وورماسیدی تازیانه گر سنه ثانی یقین ایلمزدیله جسارت کربلاده اهل کین زینبین آلمازدی باشدان معجرین شمر لعین بو جفا چوخ صعبیدور ای بانوی محشر سنه . . بی وفا امّت اگر راحت سنی قویمادیلار قوللارون باغلانمادی زینب کیمی سویمادیلار زینبه هر ظلم ائدوب اهل جفا دویمادیلار بنزه مز درد و مصیبتده او بی یاور سنه . . زینب آدی ذکر اولوندی گئتدی الدن اختیار آه او وقتدن ایلدی قتلگهه زینب گذار گوردی دوشمیش قارداشی صدپاره یرده خواروزار عرض ائدوب نه ظلمیدور قارداش ائدوب لشگر سنه . . هانسی دردیمدن دیوم هانسی جفایه آغلیوم هانسی عضویندن اوپوم هانسی یاراوی باغلیوم تا حیاتیم وار گرک بو غمده سینه داغلیوم نه باشون وار نه قالوب سالم حسین پیکر سنه . . خیمه لر یاندی اخا منده تالأندیم گلمیشم یغماقا اطفالی چولدن چوخ دولاندیم گلمیشم خوردا قیزلار اود دوتاندا منده یاندیم گلمیشم گون کیمی واضحدى حالی زینب مضطر سنه . . کاش ئولیدیم گورمیدیم جسم پاکون عور اولوب غسلون ألقان قانلی تپراقلار سنه کافور اولوب حنجرون منحور سینون ظلمیله مکسور اولوب قویمیوب بیر پیرهن قالسون بو کافرلر سنه . . آیۀ رحمت کیمی جسمون پر اوسته چاک چاک گون کیمی باشون جداده جلوه گر ای نور پاک بو مصیبت زینب غمدیده نی ایلر هلاک خوابگه اولسا برادر روی خاکستر سنه . . هر کیم ایستر اولماسون شرمنده روز جزا حضرت خیرالنسایه صدقیله دوتسون عزا غرق عصیانم سراپا یا ذبیحاً من قفا گوز تیکوب حضاریله «دلریش» صف محشر سنه . #سبک_زینبم_جان_اوستیم …