بی وفایی دنیا @yyahoosein ای دل ندور بهانه بئله بی قرارسن دنیادن اوتری بیر بئله بی اختیارسن بیجا یره ئوزون وروسان آب و آتشه دائم اسیر دامن گرد و غبارسن بیر گون گلوب سنیده قوجاقه آلار اجل سنده گدنلرون کیمی بی اعتبارسن دنیا وفا نه شاهه ایدوب نه گدالره باقی فقط خدادی عبث انتظارسن اوچ گونن اوتری باغلا ما بئل دار فانیه دنیا طناب داریدی محکوم دارسن بیر گون سنی مزاره قویار اقربالرون ناز ایلمه که صاحب ایل و تبارسن اوچ گون سنه عزا دوتاجاخ ایستینلرون دوردومجی گون غریبه شهر و  دیارسن ایل و تبار و شهرت و ثروت بهانه دور اعمال خیرون اولسا یقین رستگارسن قورخوم بودور که خیر عملون کم گله اوگون اعمالون اولماسا هدف مور و مارسن آچ گوزلروی دقت ایله باخ گئدنلره عبرت گوزیله باخ دیمسینلر خومارسن قبره گئدنده خیر عملون اولماسا اگر ورّاثیدن چاتا سنه خیر انتظارسن اولاد صالح اولسا گنه بیر الون دوتار یوخسا او قبر ایچینده گرفتار و خارسن سعی ایله گئتمه سن الی بوش بو دیاردن ماموریلر دییله کی مشمول نارسن تاریک منزلونده سنه یوخ بیر آشنا بیگانه ایله قبریده سن همجوارسن فریاد رس یوخوندی یته دادوه سنون تا حشر اولونجا قبریده سن انزجارسن دنیا دییولّه مزرعه دور روز محشره اک سن گوزل عملری گر اهل کارسن گوزله  حلال  حرامی  بو  دنیای   فانیده دنیا مالیندان اوتری اگر بی قراریسن بو یازدیقون، شعره (موثق) عمل ایله بیرگون کلر که تابوته سنده سوارسن سن عامل اول بو یازدیقوا چوخ تلاش ایله بیرکس دینموسون که عمل یوخ شعارسن تا وار نفس اورک سوزوی هشت و چاره ده فکر ایله روزگاریده مثل بخارسن 🌹🌹🌹🌹🌹🌹🌹🌹🌹