مناجات من عبد خطاکارم الهی منی عفو ایت عفوندی فقط چاره م الهی منی عفو ایت یارب بو من و عمر و گنهکار و تباهیم حدیندن آشوب فوج خطایا و گناهیم پرونده دولی معصیت و روی سیاهیم هم مفلسم هم خوارم الهی منی عفو ایت بیر عمر یدیتدون منه نان و نمکیندن مستغرقیدیم دایمی سایسیز کمکیندن عصیان ائلین بنده دوتوبدور اتگیندن من نفسه گرفتارم الهی منی عفو ایت هر قدر گناه ایله میشم ستر ائلیوبسن طغیان ائلین عاصیه ده بنده دیوبسن بنده ن چویره یوز سنه چوخ غصه ییوبسن بیر مجرم بدکارم الهی منی عفو ایت من معتکف درگهینم ای حق دادار رحمتلن ائله یارب ئولن روحیمی بیدار ئوز ایله دیقیم معصیته ایلیرم اقرار ناچار به اقرارم الهی منی عفو ایت اماره بو نفسیم دی آلوب تاب و توانیم غفلتده گیچیب یکسره چون عمر و جوانیم سندن صورا یوخ آیریسینا دلده گمانیم بی یاور و بی یارم الهی منی عفو ایت ▪️اثر رحیم شایان ارومیه @Heyat_news