#به_وقت_شعر...✨ قطعه شعری ترکی از استاد #محمدرضاهادی_نیا به مناسبت اربعین حسینی زینبم زینبم، دنیایه چاتدورموش حیا پیغامینی    قلبِ دشمنده دیگیبدور برملا پیغامینی قیرخ گون اولماز که اسارت عالمینده داغ کیمین      من یتیردیم عالمه کربُبلا پیغامینی آشنا، بیگانیه چاتدّدوم تأمل اتمَمیش  شرح وِردیم خالصانه آشنا پیغامینی منجنیق آغزونا سالدوم، شیر تک ادّیم رها    کاخ نامردانه ساری، مصطفی پیغامینی امر به معروف و نهی از منکر ادّیم عمل  سویلدیم سرتاسرِ ظلمه اوجا پیغامینی دفتر کربُ بلاده، خامَنی آلدوم اله     واژه، واژه ایلدیم معنا وفا پیغامینی ثبت ادّیم دفتر تاریخیده حق جبهَسین       حکّ ادّیم قلبیلرده، نینوا پیغامینی اود لادوم باشدان، ایاغه نامسلمان دوشلرین  پاره ادّیم گوز قباقینده، جفا پیغامینی ارث آپارموشام آتامدان، لا فتی الّا علی  پس گَرک اعلام ادیم من لافتی پیغامینی تا که دنیا دنیادور هیچ کیم باشارماز کولّاسون   توپراقون آلتوندا تا قالسون وفا پیغامینی باش، اوجالقچون ضمانتدور یقین هر کیم آلا  یتمیش ایکه گوندن ایشّیق دلربا پیغامینی " هادیده " بیر قطره دور، شاید اوزون دریا ایده یِر وریبدور بو غزلده کربلا پیغامینی •✾•••✾•••✾•••✾•••✾• ▪️@HidajeNoo▪️