یالان دنیا
گور نه گونه قویدی منی
سوز صحبتی یالان دنیا
بیر گون منه خوش باخمادی
گول تک آچیب سولان دنیا
یامان دنیا یامان دنیا
قاش قاباقلی دومان دنیا
بو دنیا چشمه دیر اخار
هر گلن بویلانیب باخار
اود ویرار یاندیرار یاخار
ایریلیقی سالان دنیا
گونی گوندن اوجالان دی
رستم لردن باج الان دی
نه ئولوب نه قوجالان دی
یالان دنیا یالان دنیا
خزان ویردی گوللریمی
الدن الدی ایللریمی
نازلی شیرین دیللریمی
بیر بیر مندن الان دنیا
منی چولدن چوله سالدی
جان شیشه سین داشا چالدی
هامی گتدی اوزی قالدی
حکایت دن دولان دنیا
عزیزلری خوار ائیله دی
ایشیق گونو تار ائیله دی
محنت یوکون بار ائله دی
غم سازینی چالان دنیا
#مدهوش
#محمد_هوشمند
@hushmand