بازار عشق حمدالله گرم اولوب بیر دفعه ده بازار عشق یوز قویوب بازاره اگنینیده قرا تجار عشق آسمان دا غم هلالی باشلییور اوز سئیرینی بزم ماتم ده گرک دیر باشلانا دیدار عشق عشق اختارسان اگر گل اخلاصیله گل هییته قاره کوینگ قاره پرچم لر اولوب معیار عشق باخما بیر عده شماتت ائییلور هذیان دئیور شاخه ی گلده بو قانون دور که اولسون خار عشق چوخلاری بنده اولوب اوز نفسینه عشق آدینه بیلمرم آلچاقلاشیب آیا ندن دیوار عشق یاره قربان اولمیان عاشیق تاپانماز قدر و جاه باش و جاندان گچمین عشاقه اولسون عار عشق بزم رازه اولماسان مَحرَم ، مگر دعوت گلر هر کیمه قسمت اولانماز تا اولا غمخوار عشق عاشقه شایسته دی داره چیخا حلاج تک تا یایلسین عالمه بیر دفعه ده اخبار عشق من ده دیلده آه و غم گلدیم قوشولدوم هییته ادیمی بلکه یازا کاتب منیم ده یار عشق هر کیم اولسام دا یقینیم وار حسینه نوکرم دلخوشام ادیم یازیلسا نوکر دربار عشق دمبدم مدهوش ائدیر کرب و بلا عطری منی مست ائدیب دیر روحیمی ایل لردی که گلزار عشق #مدهوش #محمد_هوشمند @hushmand