#غدیر گلیب صفا چمن دهره پر طراوت دیر بهار دیر مگر عالم ده یا قیامت دیر نه وار دی عالم آرا یا علی سسی گلیری فدا اولوم بو آدا ، مایه شرافت دیر نه وار مگر دایانیب حاجیلار یول اوستونده نه آیه نازل اولوب هانسی امر و حکمت دیر امین وحی دمادم ندا ائدیر بلّغ بو هانسی امریدی گر یئرده قالسا خفت دیر نه دور دلیلی که پیغمبره اولور تاکید بو فعل با برکت میوه رسالت دیر ضمانت ائلیوری حق دشمنین جفاسیندان نبی اکرمی از بس مهم دعوت دیر علی ولایتی روح حیات عالم دی علی ولایتی سرمایه هدایت دیر علی ولایتی حق و حقیقتین یولودی علی ولایتی سرچشمه کرامت دیر علینن اللری مشکل گشادی هر یئرده علی جهاندا فقط لایق امامت دیر علی سیز عالم امکاندا حق یئرین تاپماز کلید کنز خفی شاه کار خلقت دیر علینین الدی اله اللرین رسول خدا که یعنی حق الی دی مستحق بیعت دیر اوزاندی بیعته اللر که امر داوردیر عجب او اللری اوپماق بیوک سعادت دیر مبارک اولسون هامی اهل عشقه بو دوران غدیر بایرامی دی جلوه ی ولایت دیر یئتردی الله علینی مقام والایه که انس و جن بئله بیر مقامه حسرت دیر فدا بو شاهه که مظلوم اولوبدور عالم ده عیاندی گون کیمی اما اسیر غربت دیر ولای عشق علیدن همیشه مدهوشم بو جام هر کیمه قسمت اولا عنایت دیر #مدهوش #هوشمند #غدیر @hushmand