ای امیر مومنان ، وی حقه برهان یا علی کفریله ایمانه هر بیر عصر ، میزان یا علی سن وصی حضرت خاتم سن ای زهرایه کفو انس و جنه هر ایکی عالم ده سلطان یا علی شان و اجلالین بیوکدور حد وهم و عقلیدن ال تاپانماز قدریوه تاریخ و دوران یا علی جرج جرداق تک منیم واردیر اورکده ایستگیم کاش دوغولسون هر زمان، بیر سن تک انسان یا علی هر قدر وهابی لر باشین وورا داش دان داشا ائیلییه نمز حقیوی بیر ذره کتمان یا علی شیعه اولماق منصبین آلما الیم دن قیل نظر چون سنین امرینده دیر بو کون و امکان یا علی عفو قیل گر ادعا ائتدیم که منده شیعه یم عشقین ائیلییر نیله ییم قلبیمده طوفان یا علی اولماسا لطفین یاراشماز من سنه عاشق اولام عشقیوه زیبنده دی بوذرله سلمان یا علی سن امام المتقین سن کعبه نین مولودی سن خلقتینده حق ائدیب دنیانی حیران یا علی جان وئرنده وار خبر هر کس، سنی درک ائیلییه ر گل یوزون گوستر وئریم تا جانی آسان یا علی فخردیر اولسام سنین تک پادشاهه من گدا گر چه وار دیر منده سایسز عیب و نقصان یا علی سن عدالت اوسته باتدین قانه اما حیف اولا دین آدیلان ائیلییور بیر عده طغیان یا علی قوزانیر تاریخ بویی بیر آه قعر چاهیدن غربتین تکرار اولور، ای دردی پنهان یا علی سن کریم سن وئر صله یازدیم ارادت نامه می یوخسا وصف و مدحیوه یوخ منده امکان یا علی #محمد_هوشمند #مدهوش @hushmand